ଭଦ୍ରକ: ଅଗ୍ନିକାଣ୍ଡରେ ଜଳିଗଲା 3 ଟି ପରିବାରର 15 ବଖରା ଘର ଜଳିଯିବା ସହ 10 ଛେଳି ଓ 5 ଗୋରୁ ଜୀବନ୍ତ ଦଗ୍ଧ । ଭଦ୍ରକର ବନ୍ତ ବ୍ଲକ ଅଧିନସ୍ଥ ଆଡିଆ ପଞ୍ଚାୟତର ଅଗିରାଗଡିଆ ଗ୍ରାମରେ ଘଟିଛି ଏହି ଦୁର୍ଘଟଣା । ସେପଟେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
ସୋମବାର ବିଳମ୍ବିତ ରାତିରେ କୈଳାଶ ନାୟକ, ଶମ୍ଭୁ ନାୟକ ଓ ଭାରତ ନାୟକ ଘରେ ଶୋଇଥିବା ଅବସ୍ଥାରେ ନିଆଁ ଲାଗିଯାଇଥିଲା। ଫଳରେ ପ୍ରାଣବିକଳରେ ପରିବାର ଲୋକେ ଘରୁ ବାହାରି ଆସିଥିବା ବେଳେ, ଗୃହପାଳିତ ପଶୁ ନିଆଁରୁ ବର୍ତ୍ତି ପାରିନଥିଲେ।
ଭଦ୍ରକରେ ଅଗ୍ନିକାଣ୍ଡ, 10 ଛେଳି ଓ 5 ଗୋରୁ ଜୀବନ୍ତ ଦଗ୍ଧ
ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ମଙ୍ଗଳବାର ସକାଳେ ରାଜସ୍ବ ନିରୀକ୍ଷକ ଓ ପଶୁ ସମ୍ପଦ ବିଭାଗ ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
