ଭଦ୍ରକ: ଚାନ୍ଦବାଲି ବ୍ଲକ ଭୁଇଁବୃତି ପଞ୍ଚାୟତ ଅନ୍ତର୍ଗତ ଧାନଖଣିଆ ଗାଁରେ ଭୟାବହ ଅଗ୍ନିକାଣ୍ଡ। ଭଷ୍ମିଭୂତ ହେଲା 5ଟି ପରିବାରର 10 ବଖରା । ଖବରପାଇ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କଲା ଚାନ୍ଦବାଲି ଦମକଳ ବାହିନୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନାନୁଯାୟୀ, ନିଆଁର ପ୍ରକୋପ ଏତେ ମାତ୍ରାରେ ଥିଲାଯେ, ଘରେ ଥିବା ଧାନ ଚାଉଳ, ଆସବାବ ପତ୍ର, ନଗଦ ଟଙ୍କା ସହ ଲକ୍ଷାଧିକ ଟଙ୍କାର ସମ୍ପତ୍ତି ଜଳିପୋଡ଼ି ସମ୍ପୂର୍ଣ୍ଣ ଛାରଖାର ହୋଇଯାଇଛି। ତେବେ ଏହି ଅଗ୍ନିକାଣ୍ଡ ବିଦ୍ୟୁତ ସଟସର୍କିଟ ଯୋଗୁଁ ହୋଇଥାଇ ପାରେ ବୋଲି ଅନୁମାନ କରାଯାଉଛି।
ତେବେ ନିଆଁରେ ସର୍ବସ୍ୱାନ୍ତ ହୋଇଥିବା ଅଗ୍ନି ବିପନ୍ନଙ୍କୁ ସରକାରୀ ସହାୟତା ଦେବା ପାଇଁ ସାଧାରଣରେ ଦାବି ହୋଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
