ଭଦ୍ରକ: ପିଡିଏସ ଗୋଦାମରେ ଭୀଷଣ ଅଗ୍ନୀକାଣ୍ଡ । ଭଦ୍ରକ ଜିଲ୍ଲା ଧାମନଗର ବ୍ଲକ ଅନ୍ତର୍ଗତ ଖଡିପଦା ପଞ୍ଚାୟତ ଗୋଦାମ ଗୃହରେ ଅଗ୍ନିକାଣ୍ଡ ଘଟିଛି । ଏଥିରେ ମହଜୁଦ ଥିବା ଲକ୍ଷାଧିକ ଟଙ୍କାର ପିଡିଏସ୍ ଚାଉଳ, ଗହମ ଏବଂ କିରାସିନି ପୋଡି ପାଉଁଶ ହୋଇଯାଇଛି।
ଭିଡିଓ ସୌଜନ୍ୟ:ସମ୍ବାଦଦାତା, ଭଦ୍ରକ
ନିଆଁ ଲାଗିବା ଖବର ପାଇ ଘଟଣାସ୍ଥଳରେ ଧାମନଗର ଓ ଭଣ୍ଡାରିପୋଖରୀ ଦମକଳ ବାହିନି ପହଞ୍ଚି ନିଆଁକୁ ଆୟତ କରିଥିଲେ । ହେଲେ ସେତେବେଳକୁ ଶତାଧିକ କୁଇଣ୍ଟାଲର ପିଡିଏସ୍ ଚାଉଳ, ଗହମ ଏବଂ କିରୋସିନି ନିଆଁରେ ପୋଡି ନଷ୍ଟ ହୋଇଯାଇଛି।
ତେବେ ସର୍ଟସର୍କିଟ ଯୋଗୁଁ ଏପରି ଅଘଟଣ ଘଟିଥିବା ଅନୁମାନ କରାଯାଉଛି । ଘଟଣାସ୍ଥଳରେ ଏମ୍ଆଇ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
