ଭଦ୍ରକ: ଭଦ୍ରକ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖୀରେ ଧାନ ବସ୍ତା ରଖି ବିକ୍ଷୋଭ ପ୍ରଦର୍ଶନୀ କରୁଛି ନବ ନିର୍ମାଣ କୃଷକ ସଂଗଠନ। ଜିଲ୍ଲାରେ ବିଭିନ୍ନ ମଣ୍ଡିରେ କଟନିଛଟନିକୁ ନେଇ ବିକ୍ଷୋଭ ପ୍ରଦର୍ଶନ କରୁଛନ୍ତି ଚାଷୀ । ଚାଷୀ ମାନେ ମଣ୍ଡିରେ ଧାନ ଟୋକନ ପାଇଥିଲେ ମଧ୍ୟ ଧାନ ଦେବାର ବିଳମ୍ବ ହେଉଛି । ଚାଷୀ ଧାନ କ୍ୱିଣ୍ଟାଲ ପ୍ରତି 8 କିଲୋରୁ 10 କିଲୋ ପର୍ଯ୍ୟନ୍ତ ଧାନ କାଟ କରାଯାଉଛି । ଯାହାକୁ ନେଇ ନବ ନିର୍ମାଣ କୃଷକ ସଂଗଠନ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଉଛି ।
ତେବେ ଚାଷୀମାନେ ଧାର, କରଜ କରି ଧାନ ଚାଷ କରିଥିଲେ । ହେଲେ ଧାନ ମଣ୍ଡିରେ ବିକ୍ରୟ କରୁଥିବା ବେଳେ ଏବେ ସରକାର ଧାନ କଟନିଛଟନି କରୁଛନ୍ତି । ଯାହା ଫଳରେ ଚାଷୀମାନେ ଧାନ ବସ୍ତା ରଖି ଆଜି ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି । ଜିଲ୍ଲା ପ୍ରଶାସନ ଯଦି ଦାବି ନଶୁଣନ୍ତି ତାହା ହେଲେ ବିଷ ପିଇ ଆତ୍ମହତ୍ୟା କରିବେ ବୋଲି ପ୍ରଶାସନଙ୍କୁ ଚେତାବନୀ ଦେଇଛନ୍ତି ଆନ୍ଦୋଳନରତ ଚାଷୀ । ଏଥିସହ ନବନିର୍ମାଣ କୃଷକ ସଂଗଠନ ପକ୍ଷରୁ ପୂର୍ବରୁ ଜିଲ୍ଲା ପ୍ରଶାସନ ଓ ଜିଲ୍ଲା ଯୋଗାଣ ଅଧିକାରୀଙ୍କୁ ଭେଟି ଏହି ସବୁ ସମସ୍ୟା ଜଣାଇଥିଲେ ମଧ୍ୟ କୌଣସି ସୁଫଳ ମିଳିନଥିବା ଅଭିଯୋଗ ହୋଇଛି । ତେଣୁ ଆଜି ବାଧ୍ୟ ହୋଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାନ ବସ୍ତା ରଖି ବିକ୍ଷୋଭ ପ୍ରଦର୍ଶନ କରୁଛି ନବନିର୍ମାଣ କୃଷକ ସଂଗଠନ । ଯେପର୍ଯ୍ୟନ୍ତ ଜିଲ୍ଲା ପ୍ରଶାସନ ତାଙ୍କ ଦାବି ପୂରଣ ନକରିବେ ସେପର୍ଯ୍ୟନ୍ତ ଆନ୍ଦୋଳନ କରାଯିବ ବୋଲି ନବନିର୍ମାଣ କୃଷକ ସଂଗଠନ ର ସଦସ୍ୟ କହିଛନ୍ତି ।
ଏହା ମଧ୍ୟ ପଢନ୍ତୁ- ଘନକୁହୁଡି ପାଇଁ ଭୁବନେଶ୍ବରରେ ଅବତରଣ କରିପାରିଲାନି ବିମାନ, କୋଲକାତା ଡାଇଭର୍ଟ
ସେହିପରି କେନ୍ଦ୍ରାପଡାରେ ମଧ୍ୟ ଚାଷୀଙ୍କୁ ଲୁଟ କରାଯାଉଥିବା ଅଭିଯୋଗ ହୋଇଛି । ଏନେଇ ପ୍ରତିବାଦ କରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାନ ରଖି ଧାରଣା ଦେିଛନ୍ତି ନବନିର୍ମାଣ କୃଷକ ସଙ୍ଗଠନର କର୍ମକର୍ତ୍ତା । ଆଜି ପୂର୍ବାହ୍ନରେ ଶତାଧିକ କୃଷକ କେନ୍ଦ୍ରାପଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ୨୦ରୁ ଊର୍ଦ୍ଧ୍ବ ବସ୍ତା ଧାନ ରଖି ପ୍ରତିବାଦ କରିଛନ୍ତି । ଜିଲ୍ଲାର ବିଭିନ୍ନ ସମବାୟ ସମିତି ଅଧୀନରେ ଥିବା ମଣ୍ଡିରେ ୩ରୁ ୧୦ କିଲୋ ପର୍ଯ୍ୟନ୍ତ କଟନିଛଟନି କରାଯାଉଥିବା ଅଭିଯୋଗ ହୋଇଛି । ମଣ୍ଡିରୁ ଧାନ ସଂଗ୍ରହ ବଦଳରେ ମିଲରମାନେ ଚାଷୀଙ୍କୁ ତାଙ୍କ ନିକଟରେ ଧାନ ଦେବାକୁ ବାଧ୍ୟ କରାଯାଉଛି । ଏଥିରେ ସୋସାଇଟି ସମ୍ପାଦକମାନେ ସମର୍ଥନ କରୁଥିବା ମଧ୍ୟ ଅଭିଯୋଗ ହୋଇଛି।
ଇଟିଭି ଭାରତ, ଭଦ୍ରକ
