ଭୁବନେଶ୍ବର: ଭଦ୍ରକ ମଦ ମୁତ୍ୟୁ ଘଟଣାରେ ଅବକାରୀ ସଚିବ ନିକୁଞ୍ଜ ଧଳଙ୍କ ସୂଚନା । ବିଷାକ୍ତ ମଦ ସହ ଫୁଡ ପଏଜନିଂ ହୋଇଥିବା ଜିଲ୍ଲାପାଳଙ୍କ ରିପୋର୍ଟରୁ ସୂଚନା ମିଳିଥିବା ଅବକାରୀ ସଚିବ କହିଛନ୍ତି । ଭଦ୍ରକ ତିହିଡିରେ ବିଷାକ୍ତ ମଦ ପିଇ 5ଜଣଙ୍କ ମୃତ୍ୟୁ ହୋଇଥିବାବେଳେ 44 ଜଣ ଅସୁସ୍ଥ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ଭିଡିଓ ସୌଜନ୍ୟ:ସମ୍ବାଦଦାତା, ଭୁବନେଶ୍ବର
ମଙ୍ଗଳବାର ଭଦ୍ରକ ଓ ଚାନ୍ଦବାଲି ବ୍ଲକର 3ଟି ଗାଁର ଲୋକେ ବିଷାକ୍ତ ମଦ ପିଇ ଅସୁସ୍ଥ ହୋଇଥିଲେ । ତେବେ ସେମାନେ ପିଇଥିବା ମଦ ଓଡିଶା ଡେଭରେଜ କର୍ପୋରେଶନ ଠାରୁ କ୍ରୟ ହୋଇ ନଥିବାବେଳେ ଅନ୍ୟ କେଉଁ ବାହାର ଜାଗାରୁ ଅଣାଯାଇଥିବା ଅବକାରୀ ସଚିବ କହିଛନ୍ତି । ସେ ଆହୁରି ମଧ୍ୟ ଏହି ବିଷାକ୍ତ ମଦକୁ ଉଦ୍ଧାର କରି ସାମ୍ପଲ ଯାଞ୍ଚ ପାଇଁ ପଠାଯାଇଥିବା ସହ ଘଟଣାର ତଦନ୍ତ ଚାଲିଥିବା ସେ କହିଛନ୍ତି ।
ଅନ୍ୟପଟେ ଅତିରିକ୍ତ ଡ୍ରଗସ କଣ୍ଟ୍ରୋଲର ଭଦ୍ରକରେ ଡେରା ପକାଇ ସ୍ଥିତି ଉପରେ ନଜର ରଖିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
