ଭଦ୍ରକ: ପୌରାଞ୍ଚଳର ମଠ ସାହି ଗ୍ରାମର ଏକ ପରିବାରରେ ସତସଙ୍ଗ କାର୍ଯ୍ୟକ୍ରମ କରାଯାଇଛି । ତେବେ ଆତ୍ମଘୋଷିତ ବାବା ସାରଥୀଙ୍କ ଜାମିନ ମଞ୍ଜୁର ପରେ ତାଙ୍କର ଭକ୍ତ ମାନେ ଏବେ ପୁଣି ଚିରାଚରିତ ଢଙ୍ଗରେ ସତସଙ୍ଗ ଆରମ୍ଭ କରିଥିବା ଅଭିଯୋଗ ହୋଇଛି। ପ୍ରକାଶ ଯେ, ସର୍ତ୍ତମୂଳକ ଜାମିନରେ ଅଛନ୍ତି ବିବାଦୀୟ ବାବା ସାରଥୀ ।
ସାରଥି ବାବା ଭକ୍ତଙ୍କ ସତସଙ୍ଗ କାର୍ଯ୍ୟକ୍ରମ
ଭଦ୍ରକ ପୌରାଞ୍ଚଳ ଅନ୍ତର୍ଗତ ମଠ ସାହି ଗ୍ରାମରେ ଥିବା ଏକ ପରିବାରରୁ ଏହିପରି ଏକ ଘଟଣା ସାମ୍ନାକୁ ଆସିଛି । ଏନେଇ ସୂଚନା ପାଇ ଭଦ୍ରକ ଟାଉନ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ସ୍ଥିତି ଯାଞ୍ଚ କରିଥିଲା ।
ଏହା ପରେ ବାହାର ଲୋକଙ୍କୁ ନେଇ ସତସଙ୍ଗ ନକରିବାକୁ ଏହି ପରିବାର ସଦସ୍ୟମାନଙ୍କୁ ପରାମର୍ଶ ଦେଇଛି ପୋଲିସ । ଏନେଇ ପୋଲିସ କିମ୍ବା ପରିବାର ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
