ମଦ୍ୟପାନ କରି ଗାଡି ଚାଳନା ପଡିଲା ମହଙ୍ଗା, ଟ୍ରଲର-ପିକଅପ୍‌ ମୁହାଁମୁହିଁ ଧକ୍କା

ଭଦ୍ରକ-ଚାନ୍ଦବାଲି ମୁଖ୍ୟରାସ୍ତା ଦିଗଛିଆ ଛକ ନିକଟରେ ହୋଇଛି ବଡ଼ ଧରଣର ସଡକ ଦୁର୍ଘଟଣା। ଅଳ୍ପକେ ବର୍ତ୍ତିଲେ ଉଭୟ ଗାଡି ଚାଳକ ।

ଭଦ୍ରକ:ଟ୍ରଲର ପିକଅପ ମୁହାଁମୁହିଁ ଧକ୍କା । ଭଦ୍ରକ-ଚାନ୍ଦବାଲି ମୁଖ୍ୟରାସ୍ତା ଦିଗଛିଆ ଛକ ନିକଟରେ ହୋଇଛି ବଡ଼ ଧରଣର ସଡକ ଦୁର୍ଘଟଣା। ଏକ ଆଇଓସିଏଲ ତେଲ କମ୍ପାନୀର ପାଇପ ବୋଝେଇ ଟ୍ରଲର ଗାଡି ସହ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଏକ ପିକଅପ ଭ୍ୟାନ ମୁହାଁମୁହିଁ ଧକ୍କା ହୋଇଛି।

ତେବେ ଦୁର୍ଘଟଣା ଅତ୍ୟନ୍ତ ଭୟଙ୍କର ଥିବା ସତ୍ତ୍ବେ ସୌଭାଗ୍ୟବଶତଃ ଉଭୟ ଚାଳକ ଅଳ୍ପକେ ବର୍ତ୍ତି ଯାଇଛନ୍ତି l ସୂଚନା ଅନୁଯାୟୀ, ପିକଅପ ଭ୍ୟାନର ଚାଳକ ଅତ୍ୟଧିକ ମଦ୍ୟପାନ କରି ନିଶାସକ୍ତ ଅବସ୍ଥାରେ ଗାଡିଚାଳନା କରୁଥିବାରୁ ଏହିପରି ଦୁର୍ଘଟଣା ଘଟିଛି।

ଏନେଇ ଖବରପାଇ ଘଟଣାସ୍ଥଳରେ ମତୋ ପୋଲିସ ପହଞ୍ଚି ଆହତ ଚାଳକଙ୍କୁ ମେଡିକାଲ ପଠାଇଵା ସହ ପାଇପ ଓ ଗାଡି ଗୁଡିକୁ ମୁଖ୍ୟ ରାସ୍ତାରୁ ହଟାଇଵା ପରେ ଯାନବାହନ ଯାତାୟାତ ସ୍ଵାଭାବିକ ହୋଇଥିଲା।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ