ଭଦ୍ରକ: ଆଜି ପଶ୍ଚିମବଙ୍ଗ ସଙ୍କରାଇ ନିକଟରେ ଘଟିଥିବା ଦୁର୍ଘଟଣାରେ ଯାଇଛି 4 ଜଣଙ୍କ ଜୀବନ । ଆଉ ଜଣେ ଢୁଲାଗଡ ମେଡିକାଲରେ ଜୀବନ-ମରଣ ସହ ସଂଘର୍ଷ କରୁଛି । ତେବେ ସମସ୍ତଙ୍କ ଘର ଭଦ୍ରକ, ଯାଜପୁର ଏବଂ ଖୋର୍ଦ୍ଧା ଜିଲ୍ଲାରେ ବୋଲି ଜଣା ପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା,ଭଦ୍ରକ
ସୂଚନା ଅନୁଯାୟୀ, ମଙ୍ଗଳବାର ସମସ୍ତେ ଏକ ବିବାହରେ ଯୋଗ ଦେବା ପାଇଁ କାର ଯୋଗେ ହାୱଡାକୁ ଯାଉଥିଲେ । ବିବାହରୁ ଫେରୁଥିବା ବେଳେ ଏକ ଟ୍ରଲର ସହ ଧକ୍କା ହୋଇଥିଲା । ଫଳରେ 4 ଜଣ ପ୍ରାଣ ହରାଇଥିଲେ । ମୃତକ ମାନେ ହେଲେ ଭଦ୍ରକ କୁଆଁସ ଅଞ୍ଚଳର ଦିଗବିଜୟ ଦାସ, ଯାଜପୁର ବିଞ୍ଝାରପୁର ଅଞ୍ଚଳର ମନୋଜ ମହାନ୍ତି ଏବଂ ଅନ୍ୟ 2 ମୃତକ ହେଲେ ଚନ୍ଦକା ଅଞ୍ଚଳର ଦିଲୀପ କୁମାର ନାୟକ ଓ ଅନ୍ୟ ଜଣେ ସହିଦ ନଗରର ପି. ତେଜେଶ୍ୱର ରାଓ ବୋଲି ଜଣାପଡିଛି। ଗୁରୁତର ଜଣକ ହେଲେ ଭୁବନେଶ୍ବରର କ୍ରିଷ୍ଣା ରାଓ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
