ଭଦ୍ରକ: ସୋମବାର ଭଦ୍ରକ-ଆନନ୍ଦପୁର 53 ନମ୍ବର ରାଜ୍ୟ ରାଜପଥର ବରପଦା ଛକରେ 12 ଘଣ୍ଟିଆ ବନ୍ଦ ଡାକରା ଦେଇଛି ବରପଦା ସୁରକ୍ଷା ନାଗରିକ ମଞ୍ଚ । ରାଜପଥର ଉଭୟ ପାର୍ଶ୍ୱରେ ଥିବା ଡ୍ରେନ ଉପରେ ବେଆଇନ ଭାବେ ଦୋକାନ ଗୃହ ନିର୍ମାଣ ସାଙ୍ଗକୁ କିଛି ମୁଷ୍ଟିମେୟ ଲୋକ ଜବରଦଖଲ କରିଥିବା ଅଭିଯୋଗ କରିଛି ମଞ୍ଚ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ଫଳରେ ବର୍ଷା ଦିନରେ ଡ୍ରେନରେ ପାଣି ନିଷ୍କାସନ ହୋଇନପାରି ବଜାରରେ କୃତ୍ରିମ ବନ୍ୟା ସୃଷ୍ଟି ହେଉଛି । ଏନେଇ ବରପଦା ସୁରକ୍ଷା ନାଗରିକ ମଞ୍ଚ ପକ୍ଷରୁ ଜବର ଦଖଲ ଉଚ୍ଛେଦ ପାଇଁ ପ୍ରଶାସନ ନିକଟରେ ବାରମ୍ବାର ଅଭିଯୋଗ ହୋଇଥିଲେ ମଧ୍ୟ କୌଣସି କାର୍ଯାନୁଷ୍ଠାନ ନିଆଯାଇ ନାହିଁ। ଏହାପରେ ଆଜି ରାଜ୍ୟ ରାଜପଥରେ 12 ଘଣ୍ଟିଆ ବନ୍ଦ ଡାକରା ଦେଇଛି ବରପଦା ସୁରକ୍ଷା ନାଗରିକ ମଞ୍ଚ।
ବନ୍ଦକୁ ଦୃଷ୍ଟିରେ ରଖି ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏହି ବନ୍ଦର ପ୍ରଭାବ ଆନନ୍ଦପୁର-ଭଦ୍ରକ ଏବଂ ଆଗରପଡା-ଭଦ୍ରକ ଯାତାୟାତ ଉପରେ ପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
