Road Mishap: ଦୁର୍ଘଟଣାରେ ପୋଲିସ କର୍ମଚାରୀଙ୍କ ମୃତ୍ୟୁ

ବରଗଡ଼ ପୋଲିସ ବିଭାଗରେ କାର୍ଯ୍ୟରତ ହାବିଲଦାର ବିଶ୍ୱନାଥ ମଲ୍ଲିକଙ୍କର ସଡ଼କ ଦୁର୍ଘଟଣାରେ ମୃତ୍ୟୁ ହୋଇଛି । ଅଧିକ ପଢନ୍ତୁ

ବରଗଡ଼: ବରଗଡ଼ ପୋଲିସ ବିଭାଗରେ କାର୍ଯ୍ୟରତ ହାବିଲଦାର ବିଶ୍ୱନାଥ ମଲ୍ଲିକଙ୍କର ସଡ଼କ ଦୁର୍ଘଟଣାରେ ମୃତ୍ୟୁ ହୋଇଛି । ଗତ ବିଳମ୍ବିତ ରାତିରେ ବରଗଡ଼ରୁ ବାଇକ ଯୋଗେ ପଦ୍ମପୁର ଥାନାକୁ ଯାଉଥିବା ସମୟରେ ବିଜେପୁର ନିକଟରେ ଏକ ଗାଡ଼ି ତାଙ୍କୁ ଧକ୍କା ମାରି ଚାଲିଯାଇଥିଲା। ତେବେ ଏହି ସଡ଼କ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଥିଲା । ତାଙ୍କ ମୃତଦେହକୁ ଆଜି(ସୋମବାର) ବରଗଡ଼ ଟାଉନ ଥାନାକୁ ଅଣାଯାଇ ଏସପି ରାହୁଲ ଜୈନଙ୍କ ସମେତ ସମସ୍ତ ପୋଲିସ କର୍ମଚାରୀ ଶେଷ ଦର୍ଶନ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ।

ସୂଚନା ଅନୁଯାୟୀ ବରଗଡ ପୋଲିସ ବିଭାଗରେ କାଯ୍ୟରତ ବିଶ୍ବନାଥ ମଲ୍ଲିକ ସୋନପୁର ଜିଲ୍ଲା ଉଲୁଣ୍ଡା ଗ୍ରାମର ମୂଳ ନିବାସୀ ଅଟନ୍ତି । ସେ ସୋନପୁର ଜିଲ୍ଲାରୁ ବରଗଡ଼ ଜିଲ୍ଲାକୁ ଟ୍ରାନ୍ସଫର ହୋଇ ଆସିଥିଲେ ଏବଂ ପଦ୍ମପୁର ଥାନାରେ କାମ କରୁଥିଲେ । ତେବେ ଗତ ସନ୍ଧ୍ଯା ୬ଟାରେ ବରଗଡରୁ ପଦ୍ମପୁର ଥାନାକୁ ଡ୍ୟୁଟି ପାଇଁ ଯାଉଥିବା ବେଳେ ତାଙ୍କର ଦୁର୍ଘଟଣା ହୋଇଥିଲା ।

ବରଗଡରୁ ରାଜେଶ ସରାପ, ଇଟିଭି ଭାରତ