ବରଗଡ: ପଦ୍ମଶ୍ରୀ ହଳଧର ନାଗ ନିଜର ସରଳ ନିରାଡମ୍ବର ଜୀବନ ଶୈଳୀ ପାଇଁ ବେଶ ଚର୍ଚ୍ଚିତ । ପଦ୍ମଶ୍ରୀ ସମ୍ମାନରେ ବିଭୂଷିତ ହୋଇ ବି ଭୁଲି ନାହାନ୍ତି ନିଜ ଜୀବନଜୀବିକା । ଗତ ରଥଯାତ୍ରାରେ ଚଣା ତରକାରୀ ବିକ୍ରି କରି ସେ ଚର୍ଚ୍ଚାର ପରିଧିକୁ ଆସିଥିଲେ । ରଥଯାତ୍ରା ଭଳି ବାହୁଡା ଯାତ୍ରାରେ ମଧ୍ୟ ତାଙ୍କ ହାତ ତିଆରି ସୁସ୍ବାଦୁ ଚଣା ତରକାରୀ ବିକ୍ରି କରିଥିଲେ ହଳଧର ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ହଳଧର ଚଣା ତରକାରୀ ବିକ୍ରି କରୁଥିବା ଦେଖି ତାଙ୍କ ଘରେ ଶହ ଶହ ଗ୍ରାହକଙ୍କ ଲମ୍ବା ଲାଇନ ଲାଗିଥିଲା । ସମସ୍ତେ ତାଙ୍କ ଦ୍ବାରା ପ୍ରସ୍ତୁତ ଚଣା ତରକାରୀ ଖାଇବାକୁ ଯେପରି ବ୍ୟାକୁଳ ହୋଇ ଉଠିଥିଲେ । ହଜାର ହଜାର ଟଙ୍କାର ଚଣା ତରକାରୀ ବିକ୍ରି କରିଥିବା କହିଛନ୍ତି ସେ । ତେବେ କିଛି ବର୍ଷ ହେବ ସେ ଚଣା ତରକାରୀ ବିକ୍ରି ବନ୍ଦ କରିଦେଇଥିଲେ । ହେଲେ ପୁଣି ଥରେ ସେ ଆରମ୍ଭ କରିଛନ୍ତି ରଥଯାତ୍ରାରେ ଚଣା ତରକାରୀ ବେପାର ।
ବରଗଡରୁ ରାଜେଶ ସରାପ, ଇଟିଭି ଭାରତ
