ବରଗଡ: ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବା ପାଇଁ ବରଗଡ଼ ଜିଲ୍ଲା ପାଇକମାଲ ଅଞ୍ଚଳରେ ଲାଗିଲା ମାଓ ବ୍ୟାନର । ବରଗଡ଼ ଜିଲ୍ଲା ପଦ୍ମପୁରରୁ ପାଇକମାଲ ବିଜୁ ଏକ୍ସପ୍ରେସୱେ ରାସ୍ତାରେ ମାଝିପାଲି ଛକରେ ଲାଗିଛି ତିନୋଟି ମାଓ ବ୍ୟାନର । ଯେଉଁଥିରେ ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବା ପାଇଁ ଲୋକଙ୍କୁ ଆହ୍ବାନ କରାଯାଇଛି ।
ଏହାମଧ୍ୟ ପଢନ୍ତୁ: Panchayat Polls: ଭଟଲି ନିର୍ବାଚନ ମଣ୍ଡଳୀରେ ନିର୍ଦ୍ୱନ୍ଦରେ ଜିତିଲା ବିଜେଡି
ମାଓବାଦୀ ବରଗଡ଼ ବଲାଙ୍ଗୀର ମହାସମୁନ୍ଦ ଡିଭିଜନ (BBM ) ଡିଭିଜନ ତରଫରୁ ଏହି ବ୍ୟାନର ଲଗାଯାଇଥିବା ଲେଖା ହୋଇଛି । ପଞ୍ଚାୟତ ନିର୍ବାଚନ ଆସିବା ମାତ୍ରେ ମାଓବାଦୀ ତାଙ୍କର ଉପସ୍ଥିତି ଜାହିର କରିଛନ୍ତି । ମଙ୍ଗଳବାର ସକାଳୁ ଲୋକ ଏହି ବ୍ୟାନର ଦେଖିବାକୁ ପାଇଛନ୍ତି ତେଣୁ ଅନୁମାନ କରାଯାଉଛି ରାତିରେ ଏହାକୁ ଲଗାଯାଇଛି । ଏନେଇ ପୋଲିସକୁ ସ୍ଥାନୀୟ ଲୋକେ ଖବର ଦେଇଥିବା ବେଳେ ପୋଲିସ ଏପର୍ଯ୍ୟନ୍ତ ଘଟଣା ସ୍ଥଳରେ ପହଞ୍ଚିନାହିଁ । ତେବ ଅଞ୍ଚଳରେ ଲୋକଙ୍କ ମଧ୍ୟରେ ଭୟର ଆତଙ୍କ ଖେଳିଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
