ବରଗଡ: ମହାମାରୀ କୋରୋନା ପାଇଁ ସାରା ଦେଶରେ 21 ଦିନ ପର୍ଯ୍ୟନ୍ତ ଲକଡାଉନ ନିର୍ଦ୍ଦେଶ ଜାରି କରାଯାଇଥିବା ବେଳେ ଆଜି(ବୁଧବାର) ବରଗଡ ଜିଲ୍ଲାରେ ଲକଡାଉନର ପ୍ରଥମ ଦିନରେ ବରଗଡ ଓ ପଦ୍ମପୁର ଉପଖଣ୍ଡରେ ସମସ୍ତ ଦୋକାନ ବଜାର ବନ୍ଦ ରହିଥିଲା। ଲୋକଙ୍କ ଗମନା ଗମନ ଆଦୌ ଦେଖିବାକୁ ମିଳିନଥିଲା। ସହରରେ ପୋଲିସ ପକ୍ଷରୁ ବ୍ୟାପକ ଚେଷ୍ଟା କରାଯାଉଛି ଲୋକଙ୍କୁ ସଚେତନ କରାଇବା ପାଇଁ ।
ତେବେ ଜନସାଧାରଣଙ୍କ ଜରୁରୀକାଳିନ ବ୍ୟବହାର୍ଯ୍ୟ ଜିନିଷ କିଣିବା ପାଇଁ ଗ୍ରୋସରୀ ଦୋକାନ ଏବଂ ପନିପରିବା ଦୋକାନ ଖୋଲାରହିବ। କିନ୍ତୁ ସକାଳ 7 ଟାରୁ 4ଟା ପର୍ଯ୍ୟନ୍ତ ଦୋକାନୀ ବିକ୍ରି କରିପାରିବା ନେଇ ବରଗଡ ଜିଲ୍ଲାପାଳ ଜଣାଇଛନ୍ତି। ଏହି ନିୟମକୁ ଉଲ୍ଲଙ୍ଘନ କଲେ ଦୋକାନୀ ମାନେ ଦଣ୍ଡିତ ହେବେ ବୋଲି ପ୍ରଶାସନ ପକ୍ଷରୁ ତାଗିତ କରାଯାଇଛି। ବୁଧବାର ପ୍ରଥମ ଦିନରେ ଲୋକେ ଘରୁ ବାହାରିଥିଲେ ମଧ୍ୟ ପୋଲିସର କଡା ପଦକ୍ଷେପ କାରଣରୁ ଲୋକଙ୍କୁ ଘରକୁ ଫେରିବାକୁ ପଡିଥିଲା। ଗ୍ରାମାଞ୍ଚଳ ମାନଙ୍କରେ ମଧ୍ୟ ଭୟର ବାତାବରଣ ଯୋଗୁଁ ପ୍ରଥମ ଦିନରେ ରାସ୍ତାଘାଟ ସୁନସାନ ହୋଇପଡିଥିଲା ।
ବରଗଡରୁ ରାଜେଶ ସରାପ, ଇଟିଭି ଭାରତ
