ବରଗଡ଼: ଅନଲାଇନ ସପିଂ ପରି ବିଭିନ୍ନ ୱେବସାଇଟ ଗୁଡି଼ର ଡୁପ୍ଲିକେଟ ବା ନକଲି ୱେବସାଇଟ ଏବେ ସକ୍ରିୟ ହୋଇ ଲୋକଙ୍କୁ ଠକୁଥିବା ଅଭିଯୋଗ ହେବାପରେ ବରଗଡ଼ର ସାଇବର ଏକ୍ସପଟ ଚିରାଗ ରଥ ଅନଲାଇନ କିଣାବିକା କରୁଥିବା ଲୋକଙ୍କୁ ସଚେତନ କରାଇଛନ୍ତି ।
ଫ୍ଲିପକାର୍ଟ ପରି ଅନଲାଇନ ୱେବସାଇଡର ଅବିକଳ ନକଲି ୱେବସାଇଟ ଇଣ୍ଟରନେଟରେ ରହିଥିବା ଦେଖାଇ ସେ ଲୋକଙ୍କୁ ସଚେତନ କରାଇଛନ୍ତି । ଫ୍ଲିପକାର୍ଟ ପରି ବହୁ କମ୍ପାନୀ ଏପରି ଠକ ୱେବସାଇଟ ବିରୋଧରେ ବିଭିନ୍ନ ସ୍ଥାନରେ ଏତଲା ଦେଇ ସାଇବର କେସ କରାଯାଇଥିଲେ ସୁଦ୍ଧା ଏପରି ଠକାମୀ କରୁଥିବା ରାକେଟକୁ ଧରିବାରେ ବିଫଳ ହୋଇଛି ପୋଲିସ ।
ଏପରି ବହୁ ଅନଲାଇନ ଠକ ୱେବସାଇଟକୁ ବ୍ୟବହାର କରିବା ମାତ୍ରେ ନିଜର ବ୍ୟାଙ୍କ ଆକାଉଣ୍ଟ ଖାଲି ହୋଇଯାଉଥିବା ଅଭିଯୋଗ ଆସୁଛି । ତେବେ କିପରି ଲୋକେ ଏପରି ଠକ ସାଇଟରୁ ବଞ୍ଚିପାରିବେ ସେନେଇ ଅନଲାଇନ କିଣାବିକା କରୁଥିବା ଲୋକଙ୍କୁ ସତର୍କତା ଅବଲମ୍ବନ କରିବାକୁ କହିଛନ୍ତି ସାଇବର ଏକ୍ସପଟ ଚିରାଗ ରଥ । କଣ କରିବେ କେଉଁ ୱେବସାଇଟ ଅସଲି ଓ କେଉଁ ୱେବସାଇଟ ନକଲି ତାହା କିପରି ଚିହ୍ନିବେ ସେନେଇ କିଛିଟା ଟିପ୍ସ ଦେଇଛନ୍ତି ଚିରାଗ ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
