ବରଗଡ: ତିନି ମହଲା ବିଶିଷ୍ଟ ପାତ୍ର ସୋ’ ରୁମରେ ଭୀଷଣ ନିଆଁ ଲାଗି ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ସ୍ଥାନୀୟ ଗୌଶାଳା ରହିଥିବା ଏକ ବିରାଟ ସୋ’ ରୁମର ଉପର ମହଲାରେ ସଟ ସର୍କିଟ ଯୋଗୁଁ ନିଆଁ ଲାଗିଥିବା ବେଳେ ବହୁ କଷ୍ଟରେ ଏହି ନିଆଁକୁ ଆୟତ୍ତ କରିଥିଲା ଅଗ୍ନିଶମ ବିଭାଗ ।
ପାତ୍ର ସୋ ରୁମରେ ନିଆଁ
ସୋ’ ରୁମର ଉପର ମହଲାରେ ନିଆଁ ଲାଗିଥିଲା ହେଲେ ଅଗ୍ନିଶମ ବିଭାଗ ବିଳମ୍ବରେ ପହଞ୍ଚିବାରୁ ଏହି ନିଆଁ ଧିରେ ଧିରେ ବ୍ୟାପିବାକୁ ଲାଗିଥିଲା। ଅଗ୍ନିଶମ ଗାଡିର ପାଣି ମଧ୍ୟ ଶେଷ ହୋଇଯିବାରୁ ବିଳମ୍ବ ହୋଇଥିଲା ନିଆଁ ଲିଭା କାମ ।
ଯାହା ଫଳରେ ଅଗ୍ନିଶମ ବିଭାଗର ଅବହେଳା ଯୋଗୁଁ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା । ପରେ ବହୁ କଷ୍ଟରେ ନିଆକୁ ଆୟତ୍ତ କରାଯାଇଥିଲା ଏବଂ ଏହି ଅଗ୍ନିକାଣ୍ଡରେ କେତେ କ୍ଷୟ କ୍ଷତି ଘଟିଛି ତାହା ସଠିକ ଭାବରେ ଜଣାପଡିନାହିଁ ।
ବରଗଡରୁ ରାଜେଶ ସରାପ, ଇଟିଭି ଭାରତ
