ବରଗଡ: ପଦ୍ମପୁର ଉପନିର୍ବାଚନ ପାଇଁ ପାଇଁ ସମସ୍ତ ଦଳ ମାନଙ୍କର ପ୍ରଚାର ପ୍ରସାର ଆରମ୍ଭ ହୋଇଯାଇଛି । ନିର୍ବାଚନୀ ପ୍ରଚାର ନିରୀକ୍ଷଣ କରିବା ସହିତ ନିର୍ବାଚନ ସହ ଜଡିତ ବିଭିନ୍ନ ଅଭିଯୋଗ ଶୁଣାଣି ପାଇଁ 3 ଜଣ ପର୍ଯ୍ୟବେକ୍ଷକ ନିୟୋଜିତ ହୋଇଛନ୍ତି । ପଦ୍ମପୁର ଉପନିର୍ବାଚନ ପାଇଁ ସାଧାରଣ ପର୍ଯ୍ୟବେକ୍ଷକ, ପୋଲିସ ପର୍ଯ୍ୟବେକ୍ଷକ ଓ ଖର୍ଚ୍ଚ (ଏକ୍ସପେଣ୍ଡିଚର) ପର୍ଯ୍ୟବେକ୍ଷକ ନିୟୋଜିତ ହୋଇଛନ୍ତି ।
ନିର୍ବାଚନ ସମୟରେ କୌଣସି ପ୍ରକାରର ବେଆଇନ କାର୍ଯ୍ୟକଳାପ ଦେଖିଲେ ଜନସାଧାରଣ ସେମାନଙ୍କୁ ପଦ୍ମପୁର ପିଡବ୍ଲ୍ୟୁଡି ଆଇବି (pwd IB) ଠାରେ ସକାଳ 10 ଟାରୁ 11 ଟା ସମୟ ମଧ୍ୟରେ ଦେଖାକରି ସିଧା ସଳଖ ଅଭିଯୋଗ କରିପାରିବେ । ମାନଭେନ୍ଦ୍ର ପ୍ରତାବ ସିଂହ ସାଧାରଣ ପର୍ଯ୍ୟବେକ୍ଷକ( General Observer) ଭାବେ ହେମନ୍ତ ଚୌହାନ ପୋଲିସ ପର୍ଯ୍ୟବେକ୍ଷକ (police Observer) ଭାବେ ଓ ଡିଏମ ରାମପ୍ରସାଦ ଗୁପ୍ତା ଖର୍ଚ୍ଚ ପର୍ଯ୍ୟବେକ୍ଷକ ( Expenditure Observer) ଭାବେ ନିୟୋଜିତ ହୋଇଥିବା ବେଳେ ଆଜି ସମସ୍ତ ପର୍ଯ୍ୟବେକ୍ଷକ ବରଗଡ ଏସପି ଅଫିସରେ ହୋଇଥିବା କଣ୍ଟ୍ରୋଲ ରୁମକୁ ତଦାରଖ କରିଛନ୍ତି ।
ବରଗଡ କଣ୍ଟ୍ରୋଲ ରୁମରୁ ଲାଇଭ ସିସିଟିଭି କ୍ୟାମେରା ଦ୍ଵାରା କିପରି ନିର୍ବାଚନ ସମୟରେ ନଜର ରଖାଯାଇପାରିବ ଏବଂ ଫୋର୍ସକୁ ମୁଭମେଣ୍ଟ କରାଯାଇପାରିବ ତାହାର ପରିଚାଳନା କରାଯାଇଛି । କିପରି ଶୃଙ୍ଖଳା ଭାବରେ ନିର୍ବାଚନକୁ ପରିଚାଳନା କରାଯିବ ସେନେଇ ବରଗଡ ଏସପି ଓ ଜିଲ୍ଲାପାଳଙ୍କ ସହିତ ଆଲୋଚନା କରିଛନ୍ତି ପର୍ଯ୍ୟବେକ୍ଷକ ମାନେ ।
ଇଟିଭି ଭାରତ, ବରଗଡ
