ବରଗଡ଼: ରାଜ୍ୟରେ ଦିନକୁ ଦିନ ମହିଳାଙ୍କ ଉପରେ ବଢ଼ିଚାଲିଛି ନିର୍ଯ୍ୟାତନା । କେବଳ ମହିଳା ନୁହଁନ୍ତି ନାବାଳିକା ମଧ୍ୟ ଏଥିରୁ ବର୍ତ୍ତୀ ପାରୁନାହାନ୍ତି । ଅନ୍ୟପଟେ ନାରୀ ସୁରକ୍ଷା ପାଇଁ ମଦ ସମ୍ପୂର୍ଣ୍ଣ ବନ୍ଦ କରାଯାଉ ବୋଲି ଦାବି ଉଠୁଛି। ସେପଟେ ସରକାର କିନ୍ତୁ ଅଧିକ ମଦ ବିକ୍ରି କଲେ ପୁରସ୍କାର ଦେବା କଥା କହୁଛନ୍ତି । ଏହାକୁ ବିରୋଧ କରି ରାଜରାସ୍ତାକୁ ଓହ୍ଲାଇଛି କଂଗ୍ରେସ ।
ରାଜ୍ୟ ସରକାର ନାରୀ ସୁରକ୍ଷିତ ନୁହଁନ୍ତି । ବିଧାନସଭାରେ ମଦ ବିକ୍ରିକୁ ପ୍ରୋତ୍ସାହନ ଦେବା ଘଟଣାରୁ ପ୍ରମାଣିତ ହୋଇଛି ଏବଂ କଂଗ୍ରେସ ଦଳର ନେତା ନରସିଂହ ମିଶ୍ର ଯେତେବେଳେ ଏହି ପ୍ରଶ୍ନର ଉତ୍ତର ବିଧାନସଭାରେ ମାଗୁଛନ୍ତି ଶାସକ ଦଳ ପକ୍ଷରୁ କୌଣସି ଉତ୍ତର ଦିଆଯାଉନାହିଁ ।
ଏହା ବିରୋଧରେ କଂଗ୍ରେସ ଆନ୍ଦୋଳନ କରିବା ଏହି ମର୍ମରେ ବରଗଡ଼ ଜିଲ୍ଲାପାଳଙ୍କୁ ସ୍ମାରକ ପତ୍ର ପ୍ରଦାନ କରିଛି ଦଳ । ଆଗାମୀ ଦିନ ମାନଙ୍କରେ ମହିଳାଙ୍କ ସୁରକ୍ଷା ଓ ମଦ ବନ୍ଦ କରିବା ପାଇଁ କୌଣସି ପଦକ୍ଷେପ ନିଆନଗଲେ କଂଗ୍ରେସ ପୁନଃର୍ବାର ରାଜରାସ୍ତାକୁ ଓହଲ୍ଲାଇବ ବୋଲି ଚେତାବନୀ ଦେଇଛି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
