ବରଗଡ଼: ଗମ୍ଭୀର ହେଉଛି ବରଗଡ ହାଜତ ମୃତ୍ୟୁ ମାମଲା । ଡାକ୍ତରଖାନାରେ ଉତ୍ୟକ୍ତ ଲୋକଙ୍କ ଭଙ୍ଗାରୁଜା ପରେ ଛାତରୁ ଡେଇଁ ଆତ୍ମହତ୍ୟା ଧମକ ଦେଲେ ମୃତକଙ୍କ ଭାଇ । ଦାବି ପୂରଣ ନ ହେଲେ ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି ମୃତକଙ୍କ ଭାଇ ଜିତେନ କୁମ୍ଭାର ।
ବରଗଡ଼ ଟାଉନ ଥାନାରେ ଯୁବକଙ୍କ ମୃତ୍ୟୁ, ଆତ୍ମହତ୍ୟା ଉଦ୍ୟମ କଲେ ମୃତକଙ୍କ ଭାଇ ସୂଚନା ଅନୁଯାୟୀ ଗତକାଲି(ଶୁକ୍ରବାର) ଟାଉନ ପୋଲିସ ତୋରା ଗ୍ରାମର 25 ବର୍ଷୀୟ ଯୁବକ ଗୋବିନ୍ଦ କୁମ୍ଭାରକୁ କୌଣସି କାରଣରୁ ରାତି 2 ଟାରେ ଘରୁ ଉଠାଇ ଆଣିଥିଲା । ମାତ୍ର ଆଜି(ଶନିବାର) ସକାଳେ ଯୁବକଙ୍କ ମୃତ୍ୟୁ ହୋଇଯାଇଥିବା ନେଇ ପରିବାର ଲୋକଙ୍କୁ ଖବର ଦେଇଥିଲା ପୋଲିସ । ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି ।ଅନ୍ୟପଟେ ପୋଲିସ ମୃତ ଗୋବିନ୍ଦ କୁମ୍ଭାରକୁ ଖେଦାପାଳି ସ୍ଥିତ ମୁଖ୍ୟ ଚିକିତ୍ସାଳୟରେ ରଖିଥିବା ବେଳେ ସେଠାରେ ମଧ୍ୟ ଉତ୍ତେଜନା ଦେଖାଦେଇଛି । ମୃତକଙ୍କ ଭାଇ ହସ୍ପିଟାଲର ୭ ମହଲାକୁ ଯାଇ ଆତ୍ମହତ୍ୟା ଧମକ ଦେଇଛନ୍ତି ।
ବରଗଡରୁ ରାଜେଶ ସରାପ, ଇଟିଭି ଭାରତ
