ବରଗଡ: ଲକଡାଉନରେ ଅନେକ ସମସ୍ୟାରେ ଗତି କରୁଛନ୍ତି ଜିଲ୍ଲାର ଚାଷୀକୂଳ । ଧାନ ସଂଗ୍ରହ ଆରମ୍ଭ ହୋଇଥିଲେ ମଧ୍ୟ ସେମାନଙ୍କର ଧାନ ପଡି ରହିଛି । ସଠିକ୍ ଭାବେ ଧାନ ଉଠୁନଥିବା ଅଭିଯୋଗ ହୋଇଛି । ଏନେଇ ସୋମବାର ସାଂସଦ ସୁରେଶ ପୂଜାରୀ ସ୍ଥିତି ଅନୁଧ୍ୟାନ କରିଥିଲେ ।
ଉଲ୍ଲେଖଯୋଗ୍ୟ ଯେ ରବି ଫସଲର ଧାନ ସଂଗ୍ରହ ପ୍ରକ୍ରିୟା ଗତ ମେ 8ରୁ ଆରମ୍ଭ କରାଯାଇଛି । ହେଲେ ଏବେ ପର୍ଯ୍ୟନ୍ତ ବହୁ ଗୁଡିଏ ମାର୍କେଟ ୟାର୍ଡରେ ଧାନ ପଡିରହିଛି । ଅବ୍ୟବସ୍ଥା ଯୋଗୁଁ ଚାଷୀମାନେ ହଇରାଣ ହେଉଥିବା ଅଭିଯୋଗ ହୋଇଛି । ଏହା ସମ୍ପର୍କରେ ଖବର ପାଇବା ପରେ ବରଗଡ ସାଂସଦ ସୁରେଶ ପୂଝାରୀ ଅତାବିରା ମାର୍କେଟ ୟାର୍ଡକୁ ସ୍ଥିତି ଅନୁଧ୍ୟାନ ପାଇଁ ପହଞ୍ଚିଥିଲେ ।
