ବରଗଡ : ପଶ୍ଚିମ ଓଡିଶାରେ ହାଇକୋର୍ଟ ର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବି ପାଇଁ ଦୀର୍ଘ ବର୍ଷରୁ ବରଗଡ ଜିଲ୍ଲା ଓକିଲ ସଂଘର ଆନ୍ଦୋଳନ ଜାରିରହିଛି । ପଶ୍ଚିମ ଓଡିଶାର ଯେ କୌଣସି ସ୍ଥାନରେ ହାଇକୋର୍ଟ ବେଞ୍ଚ ସ୍ଥାପନକୁ ବରଗଡ ବାର ଏସୋସିଏସନ ସମର୍ଥନ ଜଣାଇଛି |
ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ହାଇକୋର୍ଟ ଆଉ ଏକ ବେଞ୍ଚ ସ୍ଥାପନକୁ ସମର୍ଥନ କରୁଛନ୍ତି । କଟକ ହାଇକୋର୍ଟ ବାର୍ ଆସୋସିଏସନ ନୂତନ ସ୍ଥାୟୀ ବେଞ୍ଚକୁ ବିରୋଧ କରିଛି ଓ ମୁଖ୍ୟ ବିଚାରପତିଙ୍କ ଅଦାଲତକୁ ବର୍ଜନ କରିଛନ୍ତି | ତେବେ ହାଇକୋର୍ଟ ବାର୍ ଆସୋସିଏଶନର ଏପରି ନିନ୍ଦନୀୟ କାର୍ଯ୍ୟକୁ ବରଗଡ ଓକିଲ ସଂଘ ଘୋର ବିରୋଧ କରିଛି ।
ଆଜି ଠାରୁ ଆସନ୍ତା ୩୦ ତାରିଖ ପର୍ଯ୍ୟନ୍ତ ସମସ୍ତ ଅର୍ଥନୈତିକ କାର୍ଯ୍ୟାଳୟ ଗୁଡିକୁ ଅଚଳ କରିଦେଇଛନ୍ତି | ବରଗଡ଼ ସହରର ଜିଲ୍ଲାପାଳ ଅଫିସ, ତହସିଲ ଅଫିସ , ଆରଆଇ ଅଫିସ , ରେଜିଷ୍ଟ୍ରି ଅଫିସ , ସମେତ ସମସ୍ତ ଅର୍ଥନୈତିକ କାର୍ଯ୍ୟାଳୟ ଗୁଡିକୁ ଓକିଲମାନେ ବନ୍ଦ କରି ବିରୋଧ ପ୍ରଦର୍ଶନ କରିଛନ୍ତି | ଗତ ଦିନରେ ବରଗଡ ଓକିଲ ସଂଘ ଜିଲ୍ଲାପାଳଙ୍କୁ ଏନେଇ ଏକ ସ୍ମାରକ ପତ୍ର ପ୍ରଦାନ କରିଛି |
ବରଗଡରୁ ରାଜେଶ ସରାପ, ଇଟିଭି ଭାରତ
