ବରଗଡ: ବଢି ଚାଲିଛି ଲୁଟେରାଙ୍କ ଉତ୍ପାତ । ଲିଫ୍ଟ ଦେଇ ଲୁଟିନେଲେ 11ଲକ୍ଷ । ବରଗଡ ରେଳ ଷ୍ଟେସନରେ ଜଣେ ବ୍ୟବସାୟୀଙ୍କୁ ଲହୁଲୁହାଣ କରି 11ଲକ୍ଷ ଟଙ୍କା ଲୁଟି ନେଇଛନ୍ତି ଲୁଟେରା ।
ଲୁଟି ନେଲେ 11ଲକ୍ଷ
ସୂଚନାଅନୁସାରେ, ଛତିଶଗଡର ଜଣେ ବ୍ୟବସାୟୀ ତାରାଚାନ୍ଦ ଅଗ୍ରୱାଲ କେନ୍ଦୁଝରରୁ ସମ୍ବଲପୁର ଆସିଥିଲେ । ବରଗଡ ଯିବା ପାଇଁ ଗୋଟିଏ ପିକଅପ ଭ୍ୟାନକୁ ଲିଫ୍ଟ ମାଗିଥିଲେ । ଏହା ପରେ ଭ୍ୟାନଟି ତାଙ୍କୁ ଲିଫ୍ଟ ଦେଇଥିଲା । ବରଗଡ ଆସିବା ବେଳେ ବରଗଡ ରେଲୱେ ଷ୍ଟେସନରେ ତାଙ୍କୁ ମାଡ ମାରି ଲହୁଲୁହାଣ କରିଥିଲେ । ଏହା ସହିତ ତାଙ୍କ ବ୍ୟାଗରୁ 11ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।
ଲୁଟ ଓ ଆକ୍ରମଣର ଶିକାର ହୋଇିଥିବା ବ୍ୟକ୍ତିଙ୍କୁ ସ୍ଥାନୀୟ ଲୋକ ଉଦ୍ଧାର କରି ଆମ୍ବୁଲାନ୍ସ ଯୋଗେ ବରଗଡର ଏକ ହସ୍ପିଟାଲରେ ଉର୍ତ୍ତି କରାଯାଇଛି । ଘଟଣା ନେଇ ଅଭିଯୋହ ହେବା ପରେ ପୋଲିସର ତଦନ୍ତ ଆରମ୍ଭ ହୋଇଥିବା କହିଛନ୍ତି ଟାଉନ ଥାନା ଭାରପ୍ରାପ୍ତ ଅଧିକାରୀ ସଦାନନ୍ଦ ପୂଜାରୀ ।
ବରଗଡରୁ ରାଜେଶ ସରାପ,ଇଟିଭି ଭାରତ
