ବାଲେଶ୍ଵର: ବାଲେଶ୍ବର ସଦର ଉପନିର୍ବାଚନରେ ନିଜ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି ଜଟଣୀ ବିଧାୟକ ସୁର ରାଉତରାୟ। ଆଜି(ଗୁରୁବାର) ସେ ବାଲେଶ୍ବରରେ ପହଞ୍ଚି ପ୍ରଚାର ଆରମ୍ଭ କରିଛନ୍ତି ।
ପ୍ରଥମେ ସେ ଏକ ଚା ଦୋକାନରେ ବସି ଲୋକଙ୍କ ମତାମତ ସଂଗ୍ରହ କରିଥଲେ । ବିଧାୟିକା ପ୍ରାର୍ଥୀ ମମତା କୁଣ୍ଡୁ ଜଣେ ଭଲ ପ୍ରାର୍ଥୀ ବୋଲି ସୁର ସମସ୍ତଙ୍କୁ ବୁଝାଇଥିଲେ। ବାଲେଶ୍ବରର ପ୍ରତିଟି ବିକାଶ କଂଗ୍ରେସ ହିଁ କରିଛି ଆଉ ସବୁ ଦଳ କେବଳ ବାହାସ୍ପୋଟ ମାରୁଛନ୍ତି ବୋଲି ସେ କହିଛନ୍ତି । ବିଜେଡି କିଛି ବିକାଶ କରିନି ଓ ଟଙ୍କା ଦେଇ ଭୋଟ କିଣିବାକୁ ଆସିଛି ବୋଲି ସୁର କହିଛନ୍ତି ।
ସେହିପରି ସୁର ବିଜେପିକୁ ମଧ୍ୟ ଟାର୍ଗେଟ କରିଛନ୍ତି । କଂଗ୍ରେସ ସମୟରେ ହୋଇଥିବା ଏମ୍ସ ହସ୍ପିଟାଲ ଆଜିଯାଏ କେନ୍ଦ୍ର ସରକାର ପୁରା କରିବାରେ ବିଫଳ ହୋଇଛନ୍ତି। ଏଥିପାଇଁ କଂଗ୍ରେସକୁ ସୁଯୋଗ ଦେବା ପାଇଁ ସୁର ଆହ୍ବାନ ଦେଇଛନ୍ତି । ରୂପସାର ସାଧାରଣ ସଭାରେ ସୁର ଯୋଗଦେଇ ଲୋକଙ୍କୁ ଭୋଟ ଭିକ୍ଷା କରିଛନ୍ତି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
