ବାଲେଶ୍ବର: ରାଜ୍ୟ ମହିଳା ଆୟୋଗ ଅଦାଲତ ଜିଲ୍ଲା ସଦଭାବନା ସଭାଗୃହରେ ରାଜ୍ୟ ମହିଳା ଆୟୋଗଙ୍କ ପକ୍ଷରୁ ଅନୁଷ୍ଠିତ ହୋଇଯାଇଛି । ଏଥିରେ ରାଜ୍ୟ ମହିଳା ଆୟୋଗର ଅଧ୍ୟକ୍ଷା ମିନତୀ ବେହେରା ଯୋଗ ଦେଇଛନ୍ତି ।
ବାଲେଶ୍ବର ଜିଲ୍ଲାରେ ମହିଳାଙ୍କ ସମ୍ବନ୍ଧୀୟ ଯେଉଁ ଆଇନ ରହିଛି, ତାହା ଉପରେ ଆଲୋକପାତ କରାଯାଇଛି। ଜିଲ୍ଲାର ବିଭିନ୍ନ ଅଞ୍ଚଳରୁ ମହିଳାମାନଙ୍କ ଦ୍ବାରା ହୋଇଥିବା ଅଭିଯୋଗର ଶୁଣାଣି କରାଯାଇଛି। ଏଥିରେ ସମୁଦାୟ ୫୦ଟି ଅଭିଯୋଗ ଦାଖଲ କରାଯାଇଥିଲା।
ଭିଡିଓ ସୌଜନ୍ୟ : ସମ୍ବାଦଦାତା, ବାଲେଶ୍ବର
ଏହି ମହିଳା ଆୟୋଗ ଅଦାଲତ ଶିବିରରେ ବାଲେଶ୍ବର ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ, ଅତିରିକ୍ତ ଏସପି ତପନ ପଟ୍ଟନାୟକ, ଆୟୋଗର ସଦସ୍ୟା ସ୍ନେହାଞ୍ଜଳି ମହାନ୍ତି, ଜିଲ୍ଲା ସମାଜ ମଙ୍ଗଳ ଅଧିକାରିଣୀ କୁସୁମମାଳା ମିଶ୍ର ଓ ପ୍ରୋଗ୍ରାମ ଅଫିସର ସୁଜାତା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
