ବାଲେଶ୍ଵର: ପୋଲିସ୍ କବ୍ଜାରେ ଗଞ୍ଜେଇ ମାଫିଆ । ବିଭିନ୍ନ ସ୍ଥାନରେ ଚଢ଼ାଉ କରି ବିପୁଳ ପରିମାଣର ଗଞ୍ଜେଇ ଜବତ କରିବା ସହ ୬ ଜଣଙ୍କୁ ଗିରଫ କରିଛି ବାଲେଶ୍ଵର ଅବକାରୀ ବିଭାଗ । ସୂଚନା ଅନୁସାରେ, ବାଲେଶ୍ଵର ଜିଲ୍ଲା ବିଦୁ ବସ୍ଷ୍ଟାଣ୍ଡ, ବସ୍ତା ରେଳ ଷ୍ଟେସନ, ବାମପଦା ଛକ ଓ ମାର୍କୋଣା ରେଳ ଷ୍ଟେସନ ନିକଟରେ ଗଞ୍ଜେଇ ଚାଲାଣ ହେଉଥିବା ଖବର ପାଇ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା ।
ଏଥିରେ ୬୩ କେଜି ଗଞ୍ଜେଇ ଜବତ କରାଯାଇଥିବା ବେଳେ ୬ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ବୁଦ୍ଧଦେବ ପାଲ, କାର୍ତ୍ତିକ ହାଜରା, ଶେଖ ମନୋଜ, ଫର୍ଦ୍ଦିନ ମଲ୍ଲିକ, ପ୍ରହଲ୍ଲାଦ ରାୟ ଓ ଇକବାଲ ମଲା । ସମସ୍ତ ଅଭିଯୁକ୍ତ ରେଳ ଷ୍ଟେସନରେ ଗଞ୍ଜେଇ ଚାଲାଣ କରୁଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
