ମାଛ ଧରିବା ବେଳେ ପୋଖରୀରେ ବୁଡି ଯୁବକ ମୃତ

ମାଛ ଧରିବା ହେଲା କାଳ । ପୋଖରୀରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି । ବାଲେଶ୍ବର ଜିଲ୍ଲା ବାହାନାଗା ଅଞ୍ଚଳରେ ଘଟିଛି ଏହି ଦୁଃଖଦ ଘଟଣା ।

ବାଲେଶ୍ବର: ମାଛ ଧରିବା ବେଳେ ଅଘଟଣ । ପୋଖରୀରେ ଗୋଡ ଖସି ଯୁବକ ମୃତ । ଏଭଳି ଦୁଃଖଦ ଘଟଣା ଘଟିଛି ବାଲେଶ୍ବର ଜିଲ୍ଲା ବାହାନାଗା ଅଞ୍ଚଳରେ । ମୃତକ ହେଲେ ଶୁଭଜିତ୍ ସାମଲ ।

ସେ ରବିବାର ମାଛ ଧରିବାକୁ ସ୍ଥାନୀୟ ଷଠି ମଙ୍ଗଳା ଛକ ନିକଟରେ ଥିବା ମାତାଜୀ ପୋଖରୀକୁ ଯାଇଥିଲେ । ମାଛ ଧରୁଥିବା ବେଳେ ଅସାବଧାନତା ବଶତଃ ପାଦ ଖସି ଯାଇଥିଲା । ଦୀର୍ଘ ସମୟ ଖୋଜାଖୋଜି ପରେ ପୋଖରୀରୁ ଗ୍ରାମବାସୀମାନେ ଶୁଭଜିତଙ୍କୁ ଉଦ୍ଧାର କରି ଗୋପାଳପୁର ମେଡିକାଲକୁ ନେଇଥିଲେ। ସେଠାରେ ଡାକ୍ତର ଶୁଭଜିତଙ୍କୁ ମୃତ ଘୋଷଣା କରିଥିଲେ। ଶୁଭଜିତ ଜଣେ ବିଇଡି ଛାତ୍ର ବୋଲି ଜଣାପଡିଛି।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ