ବାଲେଶ୍ବର: ପୁଣି ଚର୍ଚ୍ଚାରେ ବସ୍ତିବାସିନ୍ଦା ନେତା ବେଣୁଧର ବାରିକ୍ ଓରଫ ବେଣୁ ମଉସା । ମୁହଁରେ ବିପ୍ଳବାତ୍ମକ ଗୀତ, ତାସାଙ୍ଗକୁ ଆନ୍ଦୋଳନର ଜୋସ୍ । ପରିଣତ ବୟସରେ ଯୁବ ଗୋଷ୍ଠୀଙ୍କ ପାଇଁ ଆଦର୍ଶ ପାଲଟିଛନ୍ତି ସେ ।
ରାଷ୍ଟ୍ରୀୟ ଆଦିବାସୀ ଏକତା ମଞ୍ଚ ପକ୍ଷରୁ ଆନ୍ଦୋଳନ
ତେବେ ବାଲେଶ୍ବର ସଦର ଉପନିର୍ବାଚନ ଫଳାଫଳ ପ୍ରକାଶ ପାଇବା ପୂର୍ବରୁ ସରକାରଙ୍କ ଅବହେଳାକୁ ତୀବ୍ର ବିରୋଧ କରିଛନ୍ତି ବେଣୁଧର ବାରିକ୍ । ଦେଶରେ ଆଦିବାସୀଙ୍କ ଉପରେ ଅତ୍ୟାଚାର ହେଉଛି, ସେମାନେ ବସବାସ କରୁଥିବା ଅଞ୍ଚଳରେ ପ୍ରଶାସନ ଉଚ୍ଛେଦ କରି ସେମାନଙ୍କୁ ବାସହରା କରିଦେଉଛନ୍ତି । ଗରିବ ଆଦିବାସୀଙ୍କୁ ଜମି ପଟ୍ଟା ଦେବା ବଦଳରେ ସେମାନଙ୍କ ପ୍ରତି ସରକାର ଅନ୍ୟାୟ କରୁଥିବା ଅଭିଯୋଗ କରିଛି ରାଷ୍ଟ୍ରୀୟ ଆଦିବାସୀ ଏକତା ମଞ୍ଚ । ଏହିସବୁ ଦାବି ନେଇ ମଞ୍ଚ ପକ୍ଷରୁ ଜିଲ୍ଲାପାଳ ଅଫିସ ସମ୍ମୁଖରେ ଧାରଣା ଦିଆଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
