ବାଲେଶ୍ବର: ଗାଧୋଇବା ହେଲା କାଳ । ନଦୀରେ ବୁଡିଯାଇ ଜଣେ 15 ବର୍ଷ ନାବାଳକର ମୃତ୍ୟୁ ଘଟିଛି । ବାଲେଶ୍ବର ଜିଲ୍ଲା ବାଲିଆପାଳ ତହସିଲ ଅଧିନସ୍ଥ ରସୁଲପୁର ଗାଁରେ ଘଟିଛି ଏଭଳି ଦୁଃଖଦ ଘଟଣା । ମୃତ ନାବାଳକ ହେଲେ ଉକ୍ତ ଗ୍ରାମର ଶଶିକାନ୍ତ ଦାସଙ୍କ ପୁଅ ହରିଶ ଦାସ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଆଜି ହରିଶ ତାଙ୍କ ସାଙ୍ଗମାନଙ୍କ ସହ ଗାଧେଇବାକୁ ସୁବର୍ଣ୍ଣରେଖା ନଦୀକୁ ଯାଇଥିଲେ । ହଠାତ୍ ଗଭୀର ସ୍ରୋତରେ ବୁଡି ଯାଇଥିଲେ । ହରିଶ ବୁଡି ଯାଉଥିବା ଦେଖି ସାଙ୍ଗମାନେ ଚିତ୍କାର କରିଥିଲେ । ଚିତ୍କାର ଶୁଣି ସ୍ଥାନୀୟ ଲୋକେ ଖୋଜାଖୋଜି କରିଥିଲେ । ହେଲେ ହରିଶଙ୍କ କୌଣସି ସନ୍ଧାନ ନ ମିଳିବାରୁ ସଙ୍ଗେସଙ୍ଗେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ପ୍ରାୟ 4 ଘଣ୍ଟା ଖୋଜାଖୋଜି ପରେ ହରିଶଙ୍କ ମୃତଦେହ ଉଦ୍ଧାର କରିଥିଲା ବିଭାଗ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
