ବାଲେଶ୍ବର: ବନ୍ଧୁକ ଓ ମାରଣାସ୍ତ୍ର ଦେଖାଇ ଟ୍ରକ ଡ୍ରାଇଭରଙ୍କ ଠାରୁ ଲୁଟ୍ ଅଭିଯୋଗ । ଏଭଳି ଘଟଣା ଘଟିଛି ବାଲେଶ୍ବର ଆଇଟିଆଇ ଛକ ନିକଟରେ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୋମବାର ଭୋର ପ୍ରାୟ 4.15ରେ 24 ବର୍ଷୀୟ ମହମ୍ମଦ ସରଫୁଦିନ ଅନସାରୀ ନାମକ ଜଣେ ଟ୍ରକ୍ ଡ୍ରାଇଭରଙ୍କ ଠାରୁ ଲୁଟ ହୋଇଥିବା ଅଭିଯୋଗ ହୋଇଛି । ଏକ ଧଳା ସ୍କୁଟିରେ 3 ଜଣ ଯୁବକ ଆସି ତାଙ୍କୁ ବନ୍ଧୁକ ଓ ମାରଣାସ୍ତ୍ର ଦେଖାଇ 2200 ଟଙ୍କା ଲୁଟି ନେଇଥିଲେ। ଗତ ୧୨ ତାରିଖରେ ଜେଲ ରୋଡ଼ରେ ଜଣେ ମହିଳାଙ୍କୁ ବନ୍ଧୁକ ଦେଖାଇ ଲୁଟ କରିଥିବା ଅଭିଯୋଗ ହୋଇଥିଲା।
ଲୁଟେରା ଗ୍ୟାଙ୍ଗ ସମାନ ଥିବା ବେଳେ ସମାନ ରଙ୍ଗର ଗାଡିରେ ଆସି ମହିଳାଙ୍କୁ ଲୁଟି ଥିଲା। ତେବେ ବାଲେଶ୍ବର ଜିଲ୍ଲାରେ ବାରମ୍ବାର ଲୁଟ୍ପାଟ୍ ଘଟଣା ଘଟୁଥିବାବେଳେ ପୋଲିସ ଏହାକୁ ଗମ୍ଭୀରତା ସହ ନେବାକୁ ସାଧାରଣରେ ଦାବି ହୋଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
