ବାଲେଶ୍ଵର: ଲକ୍ଷାଧିକ ଟଙ୍କାର ଦେଶୀ ମଦ ଜବତ । ବାଲେଶ୍ଵର ଅବକାରୀ ବିଭାଗର ମୋବାଇଲ ୟୁନିଟ ଫୁଲାଡି ଛକରୁ ବିପୁଳ ପରିମାଣରେ ମଦ ସହ ଗାଡି ଜବତ କରିଛି। ମଦ ମାଲିକ ଓ ସହଯୋଗୀ ଫେରାର ହୋଇଥିବାବେଳେ ଡ୍ରାଇଭର ଗିରଫ ।
ଭିଡିଓ ସୌଜନ୍ୟ : ସମ୍ବାଦଦାତା, ବାଲେଶ୍ବର
ବାଲେଶ୍ବରର ସୋର ଅଞ୍ଚଳରୁ ଏକ ପିକଅପ ଯୋଗେ ବିପୁଳ ଦେଶୀମଦ ଚାଲାଣ ହେଉଥିଲା। ଅବକାରୀ ମୋବାଇଲ ୟୁନିଟ ପକ୍ଷରୁ କୁରୁଡ଼ା ଛକରେ ଚେକିଂ ଚାଲୁଥିବା ଦେଖି ମଦ ବୋଝେଇ ଗାଡି ଫୁଲାଡି ଆଡକୁ ଦ୍ରୁତ ଗତିରେ ପଳାଇଥିଲା। ମୋବାଇଲ ୟୁନିଟ ଗାଡିର ପିଛା କରି ଫୁଲାଡି ଛକ ନିକଟରୁ ମଦ ବୋଝେଇ ଗାଡିକୁ କାବୁ କରିଥିଲା। 18ଶହ ଲିଟର ଦେଶୀ ମଦ ସହ ପିକଅପ ଗାଡିକୁ ଜବତ କରାଯାଇଛି । ଜବତ ମଦର ଆନୁମାନିକ ମୂଲ୍ୟ ପାଖାପାଖି 2ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
