ବାଲେଶ୍ଵର: କୋରୋନା ଭୟରେ ମୃତଦେହ ସତ୍କାର ପାଇଁ ଆସିଲେନି ଗ୍ରାମବାସୀ । 12 ଘଣ୍ଟାରୁ ଅଧିକ ସମୟ ବାରଣ୍ଡାରେ ପଡ଼ି ରହିଲା ମୃତଦେହ । ଏପରି ଏକ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ସିମୁଳିଆ ଥାନା ଖଟନଗର ଅଞ୍ଚଳରେ ।
କୋରୋନା ଭୟ, ମୃତଦେହ ସତ୍କାର ପାଇଁ ଆସିଲେନି ଗ୍ରାମବାସୀ
ସୂଚନା ଅନୁସାରେ, ଖଟନଗର ଗ୍ରାମର ଶ୍ରୀଧର ଦଳେଇ ପଶ୍ଚିମବଙ୍ଗରୁ ଗତ ମାର୍ଚ୍ଚ ମାସ 3 ତାରିଖ ଘରକୁ ଫେରିଥିଲେ । ଘରେ ଥିବା ବେଳେ ହଠାତ ତାଙ୍କ ଦେହ ଅସୁସ୍ଥ ହୋଇଥିଲା । ପରିବାର ଲୋକେ ତାଙ୍କୁ ମେଡିକାଲ ନେବାପରେ ତାଙ୍କୁ ଜଣ୍ଡିସ ହୋଇଥିବା ଜଣାପଡ଼ିଥିଲା । ରବିବାର ରାତିରେ ଶ୍ରୀଧରଙ୍କ ଦେହ ଅଧିକ ଖରାପ ହେବାରୁ ତାଙ୍କୁ ମେଡିକାଲ ନିଆଯାଇଥିଲା । ମାତ୍ର ରାସ୍ତାରେ ତାଙ୍କର ମୃତ୍ୟୁ ହୋଇଯାଇଥିଲା । ଏହାପର ଠାରୁ କୋରୋନା ଭୟରେ ଗ୍ରାମବାସୀ ମୃତଦେହ ସତ୍କାର ପାଇଁ ଆସି ନଥିବା ଜଣାପଡିଛି । 12 ଘଣ୍ଟାରୁ ଅଧିକ ସମୟ ଶ୍ରୀଧରଙ୍କ ମୃତଦେହ ବାରଣ୍ଡାରେ ପଡିଥିବା ବେଳେ ଶବ ସତ୍କାର ପାଇଁ ପରିବାର ଲୋକେ ଗ୍ରାମବାସୀଙ୍କୁ ଆକୁଳ ନିବେଦନ କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
