ବାଲେଶ୍ୱର: ଆସନ୍ତା 13 ତାରିଖ ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାଲେଶ୍ୱର ଗସ୍ତରେ ଯିବେ। ବିଜୁ ଯୁବ ବାହିନୀ ସମାବେଶରେ ଯୋଗଦେବା ସହ ବିଭିନ୍ନ ପ୍ରକଳ୍ପର ଉଦଘାଟନ ଓ ଶିଳାନ୍ୟାସର କାର୍ଯ୍ୟକ୍ରମ ରହିଛି। ତେବେ ମୁଖ୍ୟମନ୍ତ୍ରୀଙ୍କ ଗସ୍ତ ପୂର୍ବରୁ ବାଲେଶ୍ୱର ସାଂସଦ ରବୀନ୍ଦ୍ର ଜେନା ଏକ ସାମ୍ବାଦିକ ସମ୍ମିଳନୀ କରି କାର୍ଯ୍ୟକ୍ରମର କିଭଳି ସଫଳ ରୂପାୟନ ହେବ ସେ ନେଇ ବିଚାର ବିମର୍ଷ କରିଛନ୍ତି।
ନିର୍ବାଚନ ମଣ୍ଡଳୀର ନେତା ଓ ବିଧାୟକଙ୍କୁ ନେଇ ବୈଠକ କରାଯାଇଛି। ସରପଞ୍ଚଙ୍କ ଠାରୁ ଆରମ୍ଭ କରି କର୍ମୀ ଯାଏଁ ସମସ୍ତଙ୍କୁ ଏଥିରେ ସାମିଲ କରାଯାଇଛି। ତେବେ 13 ତାରିଖରେ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ସୂଚନା ଦେଇଥିଲେ ସାଂସଦ। ସୁବର୍ଣ୍ଣରେଖା ବନ୍ଦର, ଇଡକୋ ଟାୱାର, ତାମୂଳିଆ ଓଭରବ୍ରିଜ ସମେତ ଶତାଧିକ ପ୍ରକଳ୍ପର ଶିଳାନ୍ୟାସ କରାଯିବ ବୋଲି ସୂଚନା ମିଳିଛି।
ବାଲେଶ୍ୱରରୁ ଜୀବନଜ୍ୟୋତି ନାୟକ, ଇଟିଭି ଭାରତ
