ବାଲେଶ୍ଵର: ରେମୁଣା ବିଧାୟକଙ୍କ ଗିରଫ ଦାବିରେ ବିଜେପିର ଧାରଣା । ଜିଲ୍ଲା ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ାଙ୍କ ନାଁରେ ସାଂଘାତିକ ଅଭିଯୋଗ ଆସିଛି । କୃଷି ଯନ୍ତ୍ରପାତି ବିକ୍ରିରେ ସବସିଡି ହଡପ ଅଭିଯୋଗ ଆସିଛି ବିଜେପି । ଏନେଇ ବିଜେପି ପକ୍ଷରୁ ପୂର୍ବରୁ କୁଶପୁତ୍ତଳିକା ଦାହ କରିବା ସହ ତାଙ୍କ ବିରୋଧରେ ଭିଜିଲାନ୍ସ ତଦନ୍ତ ଦାବି କରାଯାଇଥିଲା ।
ମାତ୍ର ଭିଜିଲାନ୍ସ ବିଭାଗ ଦ୍ଵାରା ଏହି ଘଟଣାରେ ବିଧାୟକଙ୍କ ବିରୋଧରେ କୌଣସି ଚାର୍ଜସିଟ ହୋଇନଥିବା ଅଭିଯୋଗ କରି ରେମୁଣା ବିଜେପି ଭିଜିଲାନ୍ସ ଅଫିସ ଘେରାଉ କରିବା ସହ ଗଣଧାରଣା ଦିଆଯାଇଛି। ସେହିପରି ବିଧାୟକ ନିଗମାନନ୍ଦ ଆସୋସିଏଟର ବ୍ୟବସାୟ କଥା ଗତ 3 ବର୍ଷ ଧରି ବୁଝୁ ନଥିବା କହୁଥିବା ବେଳେ ଜାନୁଆରୀ 22 ତାରିଖରେ କେମିତି କୃଷି ଯନ୍ତ୍ରପାତି ବିକ୍ରି କରିଲେ ବୋଲି ବିଜେପି ପ୍ରଶ୍ନ କରିଛି । ଆଗାମୀ ଦିନରେ ବିଜେପି ଭିଜିଲାନ୍ସ ଅଫିସରେ ତାଲା ପକାଇବା ସହ ରେମୁଣା ବନ୍ଦ ଡାକରା ଦେବ । ଏହାସହ ରାଜପଥ ଅବରୋଧ କରିବା ନେଇ ଚେତାବନୀ ଦେଇଛି।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
