ବାଲେଶ୍ବର: ବାଲେଶ୍ଵର ସଦର ଉପନିର୍ବାଚନକୁ ଦିନ କେଇଟା ଥିବା ବେଳେ ଏଥିପାଇଁ ପ୍ରସ୍ତୁତ ରାଜନୈତିକ ଦଳ । ଏଥର ବାଲେଶ୍ବର ସଦର ଆସନରୁ ବିଜେପିର ବିଧାୟକ ପ୍ରାର୍ଥୀ ଭାବେ ଦିବଙ୍ଗତ ବିଧାୟକ ମଦନ ମୋହନ ଦତ୍ତଙ୍କ ପୁଅ ମାନସ ଦତ୍ତ ନିର୍ବାଚନ ଲଢ଼ିବେ । ମାନସଙ୍କ ନାମ ଘୋଷଣା ପରେ ଦଳୀୟ କର୍ମୀମାନଙ୍କ ମଧ୍ୟରେ ଉତ୍ସାହ ବଢ଼ିବାରେ ଲାଗିଛି ।
ବାଲେଶ୍ଵର ସଦର ଉପନିର୍ବାଚନ; ପ୍ରଚାର ମୈଦାନକୁ ଓହ୍ଲାଇଲେ ମାନସ ଦତ୍ତ
ଆଜି ସକାଳେ 1 ନଂ ୱାର୍ଡର ବାବା ବାଣେଶ୍ୱରଙ୍କ ମନ୍ଦିରରେ ପୂଜା କରି ପ୍ରଚାର ମୈଦାନକୁ ଓହ୍ଲାଇଛନ୍ତି ମାନସ । ନିଜ ସମର୍ଥକମାନଙ୍କୁ ନେଇ ମାନସ ୱାର୍ଡବାସୀଙ୍କ ପାଖରେ ପହଞ୍ଚିଛନ୍ତି । ଅନ୍ୟପଟେ ଚଳିତ ନିର୍ବାଚନରେ ମାନସ ଯୁବଗୋଷ୍ଠୀଙ୍କ ଭୋଟ ଅଧିକ ହାତେଇବାର ସମ୍ଭାବନା ରହିଛି । ଆସନ୍ତା 16 ତାରିଖ ଯାଏଁ ପ୍ରାର୍ଥୀପତ୍ର ଦାଖଲର ଶେଷ ତାରିଖ ଥିବାବେଳେ ମାନସ ଏହାରି ଭିତରେ ନିଜର ପ୍ରାର୍ଥୀପତ୍ର ଦାଖଲ କରିବେ ବୋଲି ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
