ବାଲେଶ୍ବର: ଜିଲ୍ଲାର କମର୍ଦ୍ଦା ଥାନା ନିକଟସ୍ଥ ଶାତଷୁଳିଆଠାରେ ରବିବାର ବାଇକ ଓ ଡମ୍ଫର ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଏହି ଦୁର୍ଘଟଣାରେ ଦୁଇ ଜଣଙ୍କର ମୃ୍ତ୍ୟୁ ଘଟିଛି ।
ବାଇକ ଓ ଡ଼ମ୍ପର ମୁହାଁମୁହିଁ ଧକ୍କା, ଉଭୟ ଚାଳକ ମୃତ
ମିଳିଥିବା ସୂଚନା ଅନୁସାରେ, ବାଇକରେ ଦୁଇଜଣ ରାସ୍ତାରେ ଆସୁଥିବା ବେଳେ ଏକ ଡମ୍ପର ସହ ମୁହାଁମୁହିଁ ଧକ୍କା ହୋଇଥିଲା । ଉଭୟ ବାଇକ ଆରୋହୀଙ୍କୁ ଗୁରୁତର ଅବସ୍ଥାରେ ଜଳେଶ୍ବର ମେଡିକାଲରେ ଭର୍ତ୍ତି କରାଯାଇଥିଲା । ତେବେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ ।
ମୃତକ ଦୁଇଜଣ ଜଳେଶ୍ବର ଥାନା ବଣିଦା ଅଞ୍ଚଳର ବୋଲି ଜଣାପଡିଛି । ଏହୁ ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ବାରମ୍ବାର ଦୁର୍ଘଟଣା ଘଟୁଥିବା ଅଭିଯୋଗ କରି ସ୍ଥାନୀୟ ବାସିନ୍ଦା ଜଳେଶ୍ବର ଚନ୍ଦନେଶ୍ବର ରାସ୍ତା ଅବରୋଧ କରିଥିଲେ । ତେବେ ଘଟଣାସ୍ଥଳରେ ପୋଲିସ ପହଞ୍ଚି ଲୋକମାନଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
