ବାଲେଶ୍ବର: ବାଲିଆପାଳରେ ଜଣେ ନାବାଳକର ମୃତ୍ୟୁକୁ ନେଇ ତୁମୁଳକାଣ୍ଡ ଦେଖିବାକୁ ମିଳିଥିଲା । ନାବାଳକର ମୃତ୍ୟୁ ଏକ ଆତ୍ମହତ୍ୟା ନୁହେଁ ବରଂ ହତ୍ୟା ବୋଲି ଅଭିଯୋଗ କରି ସ୍ଥାନୀୟ ଲୋକେ ତଦନ୍ତ ପାଇଁ ଆସିଥିବା ଆଇଆଇସିଙ୍କୁ ଗୋଡେଇ ଗୋଡେଇ ମାଡ ମାରିଥିଲେ । ଉକ୍ତ ମାମଲାରେ ପୋଲିସକୁ ମାଡ ମାରିଥିବା 13 ଜଣଙ୍କୁ ବୁଧବାର ରାତିରେ ଅଟକ ରଖି ପଚରାଉଚରା କରୁଛି ପୋଲିସ ।
ସୂଚନାନୁସାରେ, ବାଲିଆପାଳରେ ଥିବା ରାଜଧାନୀ ହୋଟେଲ ଏବଂ ଢାବାରେ କାମ କରୁଥିବା ଜଣେ ନାବାଳକର ସନ୍ଦେହଜନକ ମୃତ୍ୟୁ ହୋଇଥିଲା । ଫଳରେ ଲୋକେ ଏହାକୁ ହତ୍ୟା ବୋଲି ଅଭିଯୋଗ କରି ଢାବାରେ ନିଆଁ ଲଗାଇ ଦେଇଥିଲେ । ଏଥିସହିତ ଘଟଣାର ତଦନ୍ତ ପାଇଁ ଆସିଥିବା ଆଇଆଇସି ପ୍ରଭୁ କଲ୍ୟାଣ ଆଚାର୍ଯ୍ୟଙ୍କୁ ପୋଲିସ ଗୋଡେଇ ଗୋଡେଇ ମାଡ ମାରିଥିଲେ । ଉକ୍ତ ଘଟଣା ପରେ ବାଲିଆପାଳ ଆଇଆଇସିଙ୍କୁ ବଦଳି କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
