ବାଲେଶ୍ବର: ମହଙ୍ଗା ହେଲା ଲାଞ୍ଚ ନେବା । ଅଭିଯୋଗକାରୀଙ୍କ ଠାରୁ ଲାଞ୍ଚ ନେବା ଏବଂ ତାଙ୍କୁ ଦୁର୍ବ୍ୟବହାର କରିବା ଘଟଣାରେ ନିଲମ୍ବିତ ହେଲେ ବାଲେଶ୍ଵର ଜିଲ୍ଲା କମର୍ଦ୍ଦା ଥାନାର ଏଏସଆଇ ଭକ୍ତହରି ପଟ୍ଟନାୟକ । ଶୁକ୍ରବାର ଭକ୍ତହରିଙ୍କୁ ଏସପି ନିଲମ୍ବନ କରିଛନ୍ତି ।
ସୂଚନାଯୋଗ୍ୟ, ଗତ 5 ତାରିଖରେ ଦୁଇଟି ପୃଥକ ମାମଲାରେ କମର୍ଦ୍ଦା ଥାନାର ଦୁଇ ଅଭିଯୋଗକାରୀଙ୍କ ଠାରୁ ତଦନ୍ତ କରିବା ପାଇଁ ସମ୍ପୃକ୍ତ ଏଏସଆଇ ଦୁଇ ହଜାର ଟଙ୍କା ଲେଖାଏଁ ଲାଞ୍ଚ ନେବା ଅଭିଯୋଗ ହୋଇଥିଲା । ପରେ ତଦନ୍ତ ନ କରିବା ଘଟଣା ସମ୍ପର୍କରେ ଅଭିଯୋଗକାରୀ ପଚାରିବାରୁ ତାଙ୍କୁ ଏଏସଆଇ ଦୁର୍ବ୍ୟବହାର କରିଥିଲେ । ଏନେଇ ବାଲେଶ୍ଵର ଏସପିଙ୍କ ନିର୍ଦ୍ଦେଶକ୍ରମେ ଆଡ଼ିସିନାଲ ଏସପି ମନୋରଞ୍ଜନ ସାମଲ ତଦନ୍ତ ପାଇଁ କମର୍ଦ୍ଦା ଥାନାରେ ପହଞ୍ଚିଥିଲେ । ଘଟଣାର ତଦନ୍ତ ପରେ ଏଏସଆଇଙ୍କୁ ନିଲମ୍ବନ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
