ବାଲେଶ୍ୱର: ଜିଲ୍ଲାର ଔପଦା ଥାନା ଅଞ୍ଚଳର ଜଣେ ମହିଳାଙ୍କ ଅସ୍ତ୍ରପଚାର ସମୟରେ ମୃତ୍ୟୁ ଘଟିଛି । ପରିବାର ନିୟନ୍ତ୍ରଣ ଅସ୍ତ୍ରୋପଚାର କରିବା ପରେ ମହିଳାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଏହାପରେ ପରିବାର ଲୋକ ଓ ଗ୍ରାମବାସୀ ଔପଦା ଡାକ୍ତରଖାନା ସାମ୍ନାରେ ଶବ ରଖି ଧାରଣା ଦେଇଛନ୍ତି ।
ସୂଚନାନୁସାରେ, ସୋରିଷପାଳ ଗ୍ରାମର ଗଜେନ୍ଦ୍ର ପାଢ଼ୀଙ୍କ ସ୍ତ୍ରୀ ଅନ୍ନପୂର୍ଣ୍ଣାଙ୍କର ଗତ 15 ତାରିଖରେ ଈଶ୍ୱରପୁର ଡାକ୍ତରଖାନାରେ ପରିବାର ନିୟନ୍ତ୍ରଣ ଅସ୍ତ୍ରପଚାର କରାଯାଇଥିଲା । ମାତ୍ର ଡାକ୍ତର ଅନ୍ନପୂର୍ଣ୍ଣାଙ୍କ ଖାଦ୍ୟ ନଳୀ କାଟିଦେଇଥିବା ଅଭିଯୋଗ ହୋଇଛି। ଅନ୍ନପୂର୍ଣ୍ଣାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ମେଡିକାଲକୁ ନିଆଯାଇଥିଲା। ମାତ୍ର ସେଠାରେ ତାଙ୍କର ମୃତ୍ୟୁ ହୋଇଥିଲା।
ମୃତକଙ୍କ ପରିବାରକୁ କ୍ଷତିପୂରଣ ଓ ସରକାରୀ ଚାକିରୀ ସହ ଡାକ୍ତରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ପରିବାର ଲୋକ । ତେବେ ବିଡିଓ ଓ ଥାନା ଅଧିକାରୀ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିବା ଜଣାପଡିଛି।
ବାଲେଶ୍ୱରରୁ ଜୀବନଜ୍ୟୋତି ନାୟକ, ଇଟିଭି ଭାରତ
