ବଲାଙ୍ଗୀର: ନଦୀରେ ଭାସୁଛି ମୁଣ୍ଡବିହୀନ ଯୁବତୀଙ୍କ ମୃତଦେହ । ଆଜି(ବୁଧବାର) ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ କମରଲଗା ଗ୍ରାମ ନିକଟ ଲାନ୍ଥ ନଦୀରେ ମୃତଦେହଟି ଭାସୁଥିବାର ଦେଖାଯାଇଛି । ଏନେଇ ସ୍ଥାନୀୟ ଲୋକେ ବଡ଼ମାଳ ପୋଲିସ୍ ଫାଣ୍ଡିକୁ ଖବର ଦେବା ପରେ ବଡ଼ମାଳ ଓ ସଇଁତଳା ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମୃତଦେହ ନିକଟରେ ରକ୍ତ ଛିଟା ପଡ଼ିଥିବାର ମଧ୍ୟ ଦେଖାଯାଇଛି । ତେଣୁ ତାଙ୍କୁ କେହି ହତ୍ୟା କରି ନଦୀ ତଟରେ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ହେଲେ ଏ ଯାଏଁ ମୃତ ଯୁବତୀଙ୍କ ପରିଚୟ ମିଳିପାରିନାହିଁ ।
ସୂଚନାଥାଉ କି, ଏହି ଅଞ୍ଚଳରେ ଏହିଭଳି ପୂର୍ବରୁ ତିନୋଟି ଯୁବତୀଙ୍କ ମୃତଦେହ ମିଳି ସାରିଥିବା ବେଳେ ଏ ଯାଏଁ ସେମାନଙ୍କର କୌଣସି ପରିଚୟ ମିଳିପାରି ନାହିଁ । ସମାନ ଭାବରେ ଆଜି ଏଠି ପୁଣି ଜଣେ ଯୁବତୀର ଗଳାକଟା ମୃତଦେହ ମିଳିବା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇଛି ।
ଇଟିଭି ଭାରତ, ବଲାଙ୍ଗୀର
