ବଲାଙ୍ଗୀର: ଦାଦନ ସର୍ଦ୍ଦାରଙ୍କଠାରୁ ଲାଞ୍ଚ ନେଲେ ପୋଲିସ SI । ବଲାଙ୍ଗୀର ଜିଲ୍ଲାରୁ ଏଭଳି ଏକ ଭିଡିଓ ଭାଇରାଲ ହେବାରେ ଲାଗିଛି । ଭିଡିଓ ଭାଇରାଲ ପରେ ବଲାଙ୍ଗୀର ପୋଲିସ ଉପରେ ପ୍ରଶ୍ନ ଉଠିବାରେ ଲାଗିଛି । ଜିଲ୍ଲାର ତୁରେକେଲା ଅଞ୍ଚଳରୁ ସବୁ ବର୍ଷ ଭଳି ଚଳିତ ବର୍ଷ ମଧ୍ୟ ହଜାର ହଜାର ସଂଖ୍ୟାରେ ଦାଦନ ଶ୍ରମିକ ରାଜ୍ୟ ବାହାରକୁ ଚାଲାଣ ହୋଇଛନ୍ତି । ଦାଦନ ସର୍ଦ୍ଦାର ଓ ପୋଲିସ ମଧ୍ୟରେ ମଧୁଚନ୍ଦ୍ରିକା ଯୋଗୁଁ କିଛି ମାସ ପୂର୍ବରୁ ତତ୍କଳାନ କଣ୍ଟାବାଞ୍ଜୀ SDPO ଚାକିରିରୁ ନିଲମ୍ବିତ ହୋଇଥିଲେ । ଭିଡିଓ ଭାଇରାଲ ହେବାପରେ ଏସ୍ପି କାର୍ଯ୍ୟାନୁଷ୍ଠାନ ଗ୍ରହଣ କରି ତୁରେଇକେଲା ଏସ୍ଆଇଙ୍କୁ ବଲାଙ୍ଗୀରକୁ ବଦଳି କରିଛନ୍ତି ।
ବର୍ତ୍ତମାନ ପୁଣି ଥରେ ଦାଦନ ସର୍ଦ୍ଦାରଙ୍କଠାରୁ ଲାଞ୍ଚ ନେଉଛନ୍ତି ବଲାଙ୍ଗୀର ପୋଲିସ । ସ୍ଥାନୀୟ ଜଣେ ପୋଲିସ SI ଦାଦନ ସର୍ଦ୍ଦାରଙ୍କଠାରୁ ଟଙ୍କା ନେଇ ଚର୍ଚ୍ଚାରେ ରହିଛନ୍ତି । ତାଙ୍କ ଭିଡିଓ ବର୍ତ୍ତମାନ ମୋବଇଲରୁ ମୋବାଇଲକୁ ଘୁରି ବୁଲୁଛି । କିଛି ଦିନ ଆଗରୁ ତୁରେକେଲା ଷ୍ଟେସନ୍ରୁ ବେନିୟମ ଦାଦନ ଶ୍ରମିକ ଚାଳାଣ ବୃଦ୍ଧି ପାଇଛି । ଏଭଳି ସ୍ଥିତିରେ ତୁରେକେଲା ଏସଆଇ ଦୀପକ ଡୁଙ୍ଗଡୁଙ୍ଗ ଦାଦନ ଶ୍ରମିକ ମାନଙ୍କୁ ଉଦ୍ଧାର କରିବା ପରିବର୍ତ୍ତେ ସ୍ଥାନୀୟ ସର୍ଦ୍ଦାର ନରେନ୍ଦ୍ର ବଚ୍ଛାଙ୍କ ଠାରୁ ୧୨ହଜାର ଟଙ୍କା ନେଇଛନ୍ତି । ଏହାର ଭିଡିଓ ଏବେ ଭାଇରାଲ୍ ହେବାରେ ଲାଗିଛି ।
ଏହାକୁ ନେଇ ଆମ ପ୍ରତିନିଧି ତୁରେକେଲା ଏସଆଇଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲେ ସୁଦ୍ଧା କୌଣସି ପ୍ରତିକ୍ରିୟା ମିଳିପାରିନାହିଁ । ସ୍ଥାନୀୟ ଦାଦନ ସର୍ଦ୍ଦାର ନରେନ୍ଦ୍ର ଟଙ୍କା ଏସ୍ଆଇଙ୍କୁ ଟଙ୍କା ଦେଇଥିବା କଥା କହିଛନ୍ତି । ଦାଦନ ଚାଳାଣ ପାଇଁ ୧୦ ହଜାର ଟଙ୍କା ଏବଂ ଥାନାରେ ପୂଜା ପାଇଁ ୨ ହଜାର ଟଙ୍କା ଦେଇଥିବା କଥା କହିଛନ୍ତି । କଂଟବାଞ୍ଜିର ମୁଖିଆ ଏସଡିପିଓ ରାଜ୍ୟ ବାହାରୁ ଆସିଥିବା ଇଟାଭାଟି ମାଲିକଙ୍କୁ ଖସାଇବା ପାଇଁ ଜୁଆଡି ସଜେଇ ମାଲାମାଲ ହେଉଥିଲେ । ଏବେ ତୁରେଇକେଲା ଏସ୍ଆଇ ଗୋଟିଏ ପାଦ ଆଗକୁ ବଢ଼ି ଦାଦନ ସର୍ଦ୍ଦାରଙ୍କଠାରୁ ଖୁଲମଖୁଲା ଭାବରେ ଲାଞ୍ଚ ନେଉଥିବା ଭିଡିଓ ଭାଇରାଲ ହୋଇଛି । ଏହାକୁ ନେଇ ବଲାଙ୍ଗୀର ଏସ୍ପି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।
ତେବେ ଏଭଳି ଘଟଣା ପରେ ପୋଲିସ ଉପରେ ଲୋକଙ୍କ ବିଶ୍ବସନୀୟତା ଉପରେ ପ୍ରଶ୍ନ ଉଠିବାରେ ଲାଗିଛି । ସେପଟେ ତୁରେକେଲା ଥାନା ଅନ୍ତର୍ଗତ ଢୋଲମାନ୍ଦଳ, ହଲନଭଟା ଓ ଘୁନେଶରେ ଆମ ପୋଲିସ ସମିତି ଓ ଏଡ୍ ଆଟ୍ ଆକ୍ସନ ପକ୍ଷରୁ ଲୋକ ଦେଖାଣିଆ ସଚେତନା କାର୍ଯ୍ୟକ୍ରମ କରିଛି । ଏଭଳି କାର୍ଯ୍ୟକ୍ରମ ମାଧ୍ୟମରେ ଲୋକଙ୍କୁ ବାହାର ରାଜ୍ୟକୁ କାମ କରିବାକୁ ନଯିବା ପାଇଁ ସଚେତନ କରାଯାଉଛି ।
