ବଲାଙ୍ଗୀର: ଓଡିଶାର ତଥା ବଲାଙ୍ଗୀରର ବିଶିଷ୍ଟ ସମାଜସେବୀ ସଂଗଠନ ଓ ରକ୍ତଦାନ କ୍ଷେତ୍ରରେ କାମ କରୁଥିବା ଲଳିତ ନାୟକଙ୍କ ନିଧନ। ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି ।
ଆରପାରିରେ ଶ୍ରମିକ ନେତା ଲଳିତ ନାୟକ
ଖବରମୁତାବକ, ଆଜି ଭୋର ସାଢେ ୫ଟା ସମୟରେ ବିଶିଷ୍ଟ ଶ୍ରମିକ ନେତା ତଥା ସମାଜସେବୀ ଲଳିତ ନାୟକ ଶେଷ ନିଶ୍ବାସ ତ୍ୟାଗ କରିଛନ୍ତି । ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ହୋଇଛି । ସମାଜସେବା ଓ ସ୍ବେଚ୍ଛାକୃତ ରକ୍ତଦାନ କରି ସେ ସାରା ଓଡିଶାରେ ନିଜର ପରିଚୟ ସୃଷ୍ଟି କରିଥିଲେ । ପଶ୍ଚିମ ଓଡିଶା ଶ୍ରମିକ ସଂଗଠନର ସଭାପତି ସହ ପ୍ରାୟ ୫୦ଟି ସଂଗଠନର ସଭାପତି ଭାବରେ ସେ କାର୍ଯ୍ୟ ତୁଲାଇ ଆସୁଥିଲେ । ଗତ ଦୁଇ ତିନି ଦଶନ୍ଧି ହେଲା ସେ ନିସ୍ବାର୍ଥପର ଭାବେ ଦୁଃଖୀ ଦରିଦ୍ରଙ୍କ ପାଇଁ କାର୍ଯ୍ୟ କରି ଆସୁଥିଲେ।
ତେବେ ତାଙ୍କର ବିୟୋଗରେ ଓଡିଶା ସମେତ ପଶ୍ଚିମ ଓଡିଶା ଓ ବଲାଙ୍ଗୀରରେ ଶୋକର ଛାୟା ଖେଳି ଯାଇଛି।
ବଲାଙ୍ଗୀରରୁ ଶେଖ ମହମ୍ମଦ ଓ୍ବାହିଦ, ଇଟିଭି ଭାରତ
