ବଲାଙ୍ଗୀର: ନାବାଳକଙ୍କୁ ଅପହରଣ ପରେ ହତ୍ୟା । ବଲାଙ୍ଗୀର ଜିଲ୍ଲା ଟିଟିଲାଗଡ ଅଞ୍ଚଳରେ ଏଭଳି ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି । ଗତ 23 ତାରିଖରୁ ନିଖୋଜ ଥିବା ନାବାଳକଙ୍କ ମୃତଦେହ ଆଜି ନିକଟସ୍ଥ ଏକ ଜଙ୍ଗଲରୁ ଉଦ୍ଧାର କରିଛି ପୋଲିସ । ଘଟଣାରେ ଘଟଣାର ତଦନ୍ତ ଜାରି ରଖିଛି ପୋଲିସ ।
ବଲାଙ୍ଗୀର ଜିଲ୍ଲା ଟିଟିଲାଗଡର ନାବାଳକ ଛାତ୍ର ମୋହନ କୁମାର ଗତ 23 ତାରିଖରେ ଟ୍ୟୁସନ ଆସିଥିବା ବେଳେ ଆଉ ଘରକୁ ଫେରି ନଥିଲେ। ପରିବାର ଲୋକେ ଅନେକ ଖୋଜାଖୋଜି କରିବା ପରେ ନପାଇବାରୁ ଥାନାରେ ଏତଲା ଦେଇଥିଲେ । ନିଖୋଜର କିଛି ସମୟ ପରେ ତାଙ୍କ ପରିବାର ଲୋକଙ୍କୁ ପୁଅର ଅପହରଣ ହୋଇଥିବା ନେଇ ଏକ ଫୋନ ଆସିଥିଲା ଏବଂ ପୁଅକୁ ଛାଡ଼ିବା ପାଇଁ ଲକ୍ଷାଧିକ ଟଙ୍କା ଦାବି କରିଥିଲା ।
ତେବେ ଆଜି ଟିଟିଲାଗଡ ସିରଭଟା ପଡ଼ାରେ ଏକ ଗାତ ମଧ୍ୟରୁ ଅପହରଣ ନାବାଳକଙ୍କ ମୃତଦେହ ଉଦ୍ଧାର ହୋଇଛି । ସେପଟେ ଟିଟିଲାଗଡ ପୋଲିସ ମୃତକଙ୍କ ସମ୍ପର୍କୀୟ ଭାଇକୁ ଅଟକ ରଖି ତଦନ୍ତ ଜାରି ରଖିଛି । ଟିଟିଲାଗଡ ସିକେର ଜଙ୍ଗଲରେ ନାବାଳକଙ୍କୁ ହତ୍ୟା କରି ସିରଭଟା ପଡ଼ାରେ ଫିଙ୍ଗା ଯାଇଥିବା ପ୍ରାଥମିକ ଦନ୍ତରୁ ଜଣାପଡ଼ିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
