ବଲାଙ୍ଗୀର: ଜିଲ୍ଲାରେ ଫସଲ ବୀମାରେ ବ୍ୟାପକ ଦୁର୍ନୀତି ଅଭିଯୋଗ । ଶତାଧିକ ଚାଷୀଙ୍କ ସହ ଜିଲ୍ଲାପାଳ କାର୍ଯ୍ୟାଳୟ ଘେରିଲେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା । ପ୍ରାପ୍ୟ ଚାଷୀଙ୍କୁ ଶୀଘ୍ର ଫସଲ ବୀମା ପ୍ରଦାନ କରା ନଗଲେ ତୀବ୍ର ଆନ୍ଦୋଳନର ଚେତାବନୀ ।
ଫସଲ ବୀମାରେ ବ୍ୟାପକ ଦୁର୍ନୀତି ଅଭିଯୋଗ, ବଲାଙ୍ଗୀର ଜିଲ୍ଲାପାଳ କାର୍ଯ୍ୟାଳୟ ଘେରିଲେ ବିଧାୟକ
ଓଡ଼ିଶାରେ ଫସଲ ବୀମାରେ ବ୍ୟାପକ ଦୁର୍ନୀତି ଅଭିଯୋଗ ଆଣି ଶତାଧିକ ଚାଷୀଙ୍କ ସହ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଛନ୍ତି କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା । ସେ କହିଛନ୍ତି "କଣ୍ଟାବାଞ୍ଜି ବିଧାନସଭା ମଣ୍ଡଳୀର ୨୯ ହଜାର ୪୭୪ ଚାଷୀ ୨୦୨୧ ରେ ସଠିକ ସମୟରେ ଫସଲ ବୀମା କରିଥିଲେ । ଯେଉଁଥିରେ ସେମାନେ ହେକ୍ଟର ପିଛା ୧୬ ଶହ ୪୦ ଟଙ୍କା ପୈଠ କରି ଫସଲ ବୀମା କରିଥିଲେ । ଏହି ଅଞ୍ଚଳରୁ ମୋଟ ୭ କୋଟି ୧୭ ଲକ୍ଷ ୯୦ ହଜାର ଟଙ୍କା ବୀମା କମ୍ପାନୀ ନେଇଥିଲା । ତେବେ ଏହି ଅଞ୍ଚଳରେ ମରୁଡି ପଡିବାର ଏକ ବର୍ଷ ବିତି ଥିଲେ ସୁଦ୍ଧା ୬୬ଟି ପଞ୍ଚାୟତର ଚାଷୀ ଏପର୍ଯ୍ୟନ୍ତ ପ୍ରାପ୍ୟ ବୀମା ପାଇ ନାହାନ୍ତି ।"
