ବଲାଙ୍ଗୀର: ଅଜଣା ବୃଦ୍ଧାଙ୍କ ଶବ ସତ୍କାର କଲେ ସାମ୍ବାଦିକ । ପ୍ରଥମେ ଅସହାୟ ବୃଦ୍ଧାଙ୍କ ସେବା ଓ ଚିକିତ୍ସା । ମୃତ୍ୟୁ ହେଲା ପରେ ସମ୍ମାନର ସହ କରିଛନ୍ତି ଶବ ସତ୍କାର ।
ତେବେ ଗତ ସେପ୍ଟେମ୍ବର ୨୬ ତାରିଖ ଦିନ କଣ୍ଟାବାଞ୍ଜି ରେଳ ଷ୍ଟେସନ ନିକଟରେ ଏକ ଅଜଣା ବୃଦ୍ଧା ଅସହାୟ ଅବସ୍ଥାରେ ପଡିଥିବା ପ୍ରେସ କ୍ଲବ ଜାଣିବାକୁ ପାଇଥିଲା । କ୍ଲବର ସଦସ୍ୟ ଯାଇ ବୃଦ୍ଧାକୁ କଣ୍ଟାବାଞ୍ଜି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣି ଚିକିତ୍ସା କରାଇଥିଲେ ।
ଗତକାଲି କଣ୍ଟାବାଞ୍ଜି ଡାକ୍ତରଖାନାରେ ବୃଦ୍ଧାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ତେବେ ବୃଦ୍ଧାଙ୍କର କେହି ସଂପର୍କୀୟ ଅଛନ୍ତି କି ନାହିଁ ପରିଚୟ ଖୋଜା ଯାଇଥିଲା । ହେଲେ ପରିଚୟ ମିଳି ପାରିଲା ନାହିଁ।
ଫଳରେ ଆଜି ଡାକ୍ତରଖାନା ପରିସରରୁ ଏକ କୋକେଇରେ ଶବକୁ ସମ୍ନାନର ସହ ପ୍ରେସ କ୍ଲବର ସଦସ୍ୟ କଣ୍ଟାବାଞ୍ଜି ଶ୍ମଶାନ ଘାଟରେ ସତ୍କାର କରିଛନ୍ତି ।
ଏହି କାର୍ଯ୍ୟରେ କଣ୍ଟାବାଞ୍ଜି ପୋଲିସ ଏସଡ଼ିପିଓ, ଜେଲର, ଥାନା ଅଧିକାରୀ, ମେଡିକାଲ ଅଫିସର ଓ ସମାଜସେବୀ ସାମିଲ ହୋଇଥିଲେ । ଅତିରିକ୍ତ ତହସିଲଦାର ମାଜିଷ୍ଟ୍ରେଟ୍ ଉପସ୍ଥିତରେ ପ୍ରେସ କ୍ଲବର ସଦସ୍ୟ ଯୁଗଳ କିଶୋର ଶବର ମୁଖାଗ୍ନି ଦେଇଥିଲେ ।
ବଲାଙ୍ଗୀରରୁ ଶେଖ୍ ମହମ୍ମଦ ୱାହିଦ, ଇଟିଭି ଭାରତ
