ବଲାଙ୍ଗୀର: ମମିତା ମେହେର ହତ୍ୟା ମାମଲା । ଆଜି ସରୁଛି ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁର ୫ ଦିନିଆ ରିମାଣ୍ଡ ଅବଧି । ରିମାଣ୍ଡ ସରିବା ପରେ ଆଜି ତାକୁ ବଙ୍ଗୋମୁଣ୍ଡା JMFC କୋର୍ଟରେ ହାଜର କରାଯିବ । ଗତକାଲି(ଶନିବାର) ବିଳମ୍ବିତ ରାତିରେ ଗୋବିନ୍ଦର ସ୍ବାସ୍ଥ୍ୟ ପରୀକ୍ଷା କରାଇଛି ବଲାଙ୍ଗୀର ପୋଲିସ । ସେ ଜଣେ ଡାଇବେଟିସ ରୋଗୀ ହୋଇଥିବାରୁ ତା'ର ସ୍ବାସ୍ଥ୍ୟ ଯାଞ୍ଚ କରାଯାଇଛି ।
ରିମାଣ୍ଡ ସମୟରେ ଗୋବିନ୍ଦକୁ ମହାଲିଙ୍ଗ ଷ୍ଟାଡିୟମକୁ ନେଇ ପୋଲିସ ସିନ୍ ରିକ୍ରିଏସନ କରିଥିଲା । କିପରି ନୃଶଂସ ଭାବେ ସେ ମମିତାଙ୍କୁ ହତ୍ୟା କରିଥିଲା, ୧୫ ମିନିଟ୍ ଧରି ତାହା ପୋଲିସ ଆଗରେ କହିଥିଲା ଗୋବିନ୍ଦ ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
