ବଲାଙ୍ଗୀର:ଟିଟିଲାଗଡର ପୌରପାଳିକା ସଫେଇ କର୍ମଚାରୀ ଦୀର୍ଘ ଚବିଶ ଦିନ ଧରି କାର୍ଯ୍ୟ ବନ୍ଦ ସହ ଧାରଣା ଦେଇଛନ୍ତି । ଫଳରେ ଅଞ୍ଚଳରେ ସଫେଇ କାର୍ଯ୍ୟ ଠପ୍ ହୋଇପଡିଛି । କୋରୋନା ସମୟରେ ପରିମଳ ବ୍ୟବସ୍ଥା ସମ୍ପୂର୍ଣ୍ଣ ପ୍ରଭାବିତ ହୋଇଛି। ତେଣୁ ସେମାନଙ୍କ ସହ ଆଲୋଚନା ସବୁ ବିଫଳ ହେବା ପରେ ଟିଟିଲାଗଡ ଉପଜିଲ୍ଲାପାଳ ସୋମେଶ ଉପାଧ୍ୟାୟ ଜରୁରୀ ସେବା ବ୍ୟାହତ ହେବାରୁ ଏସମା ଲାଗୁ କରିଛନ୍ତି । ଏବଂ ଏହା କଣ୍ଟାବାଞ୍ଜି ତଥା ଟିଟିଲାଗଡରେ ଲାଗୁ ହୋଇଥିବାବେଳେ ଏଠି ଜରୁରୀ ସେବାରେ ନିୟୋଜିତ କୌଣସି ବ୍ୟକ୍ତି କିମ୍ବା ଅନୁଷ୍ଠାନ ଆନ୍ଦୋଳନ କରି ପାରିବେ ନାହିଁ ବୋଲି ଘୋଷଣା କରିଛନ୍ତି ।
ଟିଟିଲାଗଡ ଓ କଣ୍ଟାବାଞ୍ଜିରେ ଏସମା ଆଇନ ଲାଗୁ
ଆଇନ୍ ଅମାନ୍ୟ ହେଲେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ସୂଚନା ଦେଇଛନ୍ତି। ଅନ୍ୟପଟେ ପ୍ରଶାସନର ଏହି ଆଇନକୁ ଆନ୍ଦୋଳନକାରୀ ବିରୋଧ କରିଛନ୍ତି । ଆଗକୁ ମଧ୍ୟ ଅସ୍ଥାୟୀ କର୍ମଚାରୀ କାର୍ଯ୍ୟ ବନ୍ଦ ଆନ୍ଦୋଳନ ଜାରି ରଖିବେ ବୋଲି କହିଛନ୍ତି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
