ବଲାଙ୍ଗୀର : ବଞ୍ଚିଥିବାବେଳେ ନିର୍ଯାତନା ଦେଲେ ଆଉ ମୃତ୍ୟୁ ପରେ ବି ପାଖ ମାଡିଲେନି । ପର କରିଦେଲେ ପରିବାର ଲୋକେ । ବୃଦ୍ଧ ଦମ୍ପତ୍ତିଙ୍କ ମୃତଦେହକୁ ବି ନେବାକୁ ମନା କରିଦେଲେ ପାଳିତ କନ୍ୟା । ଏଭଳି ଅଭାବନୀୟ ଘଟଣା ବଲାଙ୍ଗୀର ଜିଲ୍ଲା ଚନ୍ଦ୍ରଶେଖର ନଗରରେ ଦେଖିବାକୁ ମିଳିଛି ।
ପର କରିଦେଲେ ପରିବାର,ବୃଦ୍ଧ ଦମ୍ପତ୍ତିଙ୍କ ଶବଦାହ କଲେ ସ୍ଵେଚ୍ଛାସେବୀ ସଂଗଠନ
ଚନ୍ଦ୍ରଶେଖର ନଗରରେ ରହୁଥିବା ବୃଦ୍ଧ ବୃନ୍ଦାବନ ସାହୁଙ୍କ ମୃତ୍ୟୁ ହୋଇଥିଲା। । ସ୍ବାମୀଙ୍କ ମୃତ୍ୟୁ ପରେ ସ୍ତ୍ରୀ ନିରାଶ୍ରୟ ସାହୁ ମଧ୍ୟ ଆତ୍ମହତ୍ୟା କରିଥିଲେ । ପୋଲିସ ଦୁଇ ଜଣଙ୍କର ମୃତଦେହ ଘରୁ ଉଦ୍ଧାର କରିଥିଲା । ହେଲେ ବ୍ୟବଚ୍ଛେଦ ପରେ ପାଳିତ କନ୍ୟା ପିତାମାତାଙ୍କର ମୃତଦେହ ନେବାକୁ ମନା କରିଦେଇଥିଲେ ।
ପଡୋଶୀ ଓ ସମ୍ପର୍କୀୟ ମଧ୍ୟ ସତ୍କାର ପାଇଁ ପଛଘୁଞ୍ଚା ଦେଇଥିଲେ । ଶେଷରେ ସ୍ଵେଚ୍ଛାସେବୀ ସଂଗଠନର କର୍ମକର୍ତ୍ତମାନେ ମୃତଦେହକୁ ନେଇ ରୀତିନୀତି ଅନୁସାରେ ସତ୍କାର କରିଥିଲେ ।
ବଲାଙ୍ଗୀରରୁ ସେଖ ମହମ୍ମଦ ଓ୍ବାହିଦ, ଇଟିଭି ଭାରତ
