ବଲାଙ୍ଗୀର: ଲଜରୁ ଜଣେ ବ୍ୟକ୍ତିଙ୍କ ଗଳିତ ମୃତଦେହ ଉଦ୍ଧାର ହୋଇଛି । ମୃତକର ପରିଚୟ ମିଳିଥିବା ବେଳେ ସେ ବରଗଡ଼ ଜିଲ୍ଲାର ବୋଲି ଜଣା ପଡିଛି ।
ବଲାଙ୍ଗୀର ସରକାରୀ ବସଷ୍ଟାଣ୍ଡ ନିକଟରେ ଥିବା ଏକ ଲଜରେ ଗୋଟିଏ କୋଠରୀ ପାଞ୍ଚ ଦିନରୁ ବନ୍ଦ ଥିବାବେଳେ ଦୁର୍ଗନ୍ଧ ବାହାରୁଥିବାର ପୋଲିସ ପାଖରେ ଅଭିଯୋଗ ହୋଇଥିଲା । ବଲାଙ୍ଗୀର ଟାଉନ ପୋଲିସ ତନାଘନା ଆରମ୍ଭ କରି କୋଠରୀ ଖୋଲିଥିଲା । ତେବେ ସେହି କୋଠରୀରେ ଜଣେ ବ୍ୟକ୍ତିଙ୍କ ମୃତଦେହ ପଡିଥିବାର ପୋଲିସ ଦେଖିବାକୁ ପାଇଛି ।
ମୃତବ୍ୟକ୍ତି ଜଣକ ବରଗଡ଼ ଜିଲ୍ଲାର ଗୋକୁଳାନନ୍ଦ ଭୋଇ ବୋଲି ପୋଲିସ ସୂଚନା ଦେଇଛି । ସେପଟେ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ବ୍ୟବଚ୍ଛେଦ ରିପୋର୍ଟ ଆସିଲା ପରେ ମୃତ୍ୟୁର କାରଣ ଜଣା ପଡିବ ବୋଲି ଥାନା ଅଧିକାରୀ ତୁଫାନ ବାଗ କହିଛନ୍ତି ।
ବଲାଙ୍ଗୀରରୁ ଶେଖ ସହମ୍ମଦ ଓ୍ବାହିଦ, ଇଟିଭି ଭାରତ