ବଲାଙ୍ଗିର: ନିର୍ବାଚନକୁ ଆଉ ଦିନ କେଇଟା ଦିନ ବାକି ଥିବା ବେଳେ ଏବେ ଜିଲ୍ଲାର ବିଭିନ୍ନ ସ୍ଥାନର ଦେଖିବାକୁ ମିଳୁଛି ଛୋଟବଡ ପ୍ରାକ ନିର୍ବାଚନୀ ହିଂସା । ଯାହାକୁ ନେଇ ଜିଲ୍ଲା ରାଜନୀତିରେ ଦେଖାଦେଇଛି ହଟଚମଟ । ସଦ୍ୟ ସମାନ ଧରଣର ଘଟଣା ଦେଖିବାକୁ ମିଳିଛି ଜିଲ୍ଲାର କଣ୍ଟାବାଞ୍ଜି ନିର୍ବାଚନ ମଣ୍ଡଳୀରେ।
ଯେଉଁଠି ପ୍ରଚାର ସାରି ଫେରୁଥିବା ବେଲେ ବିଜେଡି କର୍ମୀଙ୍କ ଉପରେ ଆକ୍ରମଣ ହୋଇଛି । ଯାହାକୁ ନେଇ ଦଳ ପକ୍ଷରୁ ସ୍ଥାନୀୟ ସ୍ଥାନୀୟ ଥାନା ସମ୍ମୁଖରେ ଧାରଣା ଦିଆଯିବା ସହ ଏଥିରେ ଜଡିତ ଥିବା ବ୍ୟକ୍ତିବିଶେଷଙ୍କୁ ଶିଘ୍ର ଗିରଫ କରିବା ଦାବି କରାଯାଇଛି । ଏନେଇ ହୋଇଥିବା ଅଭିଯୋଗ ଅନୁସାରେ ମୁରିବାହାଲ ବ୍ଲକ ଅଧ୍ୟକ୍ଷ ତଥା ବିଜେଡି କର୍ମୀ ହଂସଲାଲ ଜୈନ ତାଙ୍କ ସମର୍ଥକଙ୍କ ସହିତ ପ୍ରଚାର କରି ଫେରୁଥିବା ବେଳେ, ପାତାଲପଡା ଗ୍ରାମରେ ତାଙ୍କୁ କଂଗ୍ରେସର କର୍ମୀ ତାଙ୍କୁ ଅଟକାଇ ଥିଲେ।
ସେମାନେ କିଛି ବୁଝିବା ଆଗରୁ ନିସ୍ତୁକ ମାଡ ମାରିଥିଲ । ଏପରିକି ରାସ୍ତାରେ ଘୋଷାଡି ପିଟିଥିଲେ । ମାଡରୁ ବର୍ତ୍ତୀ ପାରିନଥିଲେ ବିଜେଡି କର୍ମୀ । ଏଥିରେ ଦଳର ଜଣେ କର୍ମୀ ନିଲାମ୍ବର ମହାକୁଡ ଆହତ ହୋଇଥିବାର ମଧ୍ୟ ଜଣାପଡିଛି । ସେପଟେ ଏହି ଘଟଣାକୁ ନେଇ ବିଜେଡିର ଶତାଧିକ କର୍ମୀ ଓ ନେତା ମୁରିବାହାଲା ଥାନାରେ ଲିଖିତ ଭାବେ ଅଭିଯୋଗ କରିଛନ୍ତି ।
