ବଲାଙ୍ଗୀର: ବସ ଦୁର୍ଘଟଣାରେ ମୋଟର ସାଇକେଲ ଚାଳକଙ୍କ ମୃତ୍ୟୁ। ବଲାଙ୍ଗୀର ପୁଇଁତଳା ଠାରେ ଏକ ଘରୋଇ ବସ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ବସ ତଳେ ଚାପି ହୋଇ ଜଣେ ମୋଟର ସାଇକେଲ ଆରୋହୀଙ୍କ ମୃତ୍ୟୁ ହୋଇଛି । ସେହିପରି ବସରେ ଥିବା ପାଞ୍ଚରୁ ଊର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି ।
ଆଜି ସକାଳେ ସୁବର୍ଣ୍ଣପୁର ପଟୁ ଆସୁଥିବା ଘରୋଇ ବସ ଚକାଡୋଳା ଯାନ୍ତ୍ରିକ ତ୍ରୁଟି ଯୋଗୁଁ ଭାରସାମ୍ୟ ହରାଇ ରାସ୍ତା କଡକୁ ଗଡି ଯାଇଥିଲା। ତେବେ ଏହି ସମୟରେ ବିପରୀତ ଦିଗରୁ ଆସୁଥିବା ଏକ ମୋଟର ସାଇକେଲ ଉପରକୁ ଚଢି ଯାଇଥିଲା। ଫଳରେ ଘଟଣାସ୍ଥଳରେ ବାଇକ ଆରୋହୀଙ୍କ ମୃତ୍ୟୁ ହୋଇଥିଲା। ସେହିପରି ବସରେ ଥିବା ପାଞ୍ଚରୁ ଊର୍ଦ୍ଧ୍ବ ଯାତ୍ରୀ ଆହତ ହୋଇଛନ୍ତି । ତେବେ ମୃତକ କଳାହାଣ୍ଡି ଜିଲ୍ଲାର ନରେଶ କୁମାର ରାଉତ ।
ସେପଟେ ପୁଇଁତଳା ପୋଲିସ ଆହତଙ୍କୁ ଉଦ୍ଧାର କରିଥିବାବେଳେ ସମସ୍ତଙ୍କୁ ବଲାଙ୍ଗୀର ଭୀମ ଭୋଇ ମେଡିକାଲକୁ ଚିକିତ୍ସା ପାଇଁ ଭର୍ତ୍ତି କରାଯାଇଛି । ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
