ବଲାଙ୍ଗୀର: ପୋଲ ଭୁଶୁଡି 2 ମୃତ । ପାଟଣାଗଡ ମୁଦଲସର୍ ଗ୍ରାମର ଶୁକ୍ତେଲ୍ ନଦୀ ଉପରେ ଥିବା ପୋଲ ଭୁଶୁଡି ପଡିବାରୁ 2 ଜଣଙ୍କର ମୃତ୍ୟୁ ଘଟିଛି । ମୃତକ ଦୁଇ ଜଣ ମଧ୍ୟପ୍ରଦେଶର ହୋଇଥିବା ସୂଚନା ମିଳିଛି ।
ପୋଲଟି ମରାମତି ଚାଲିଥିବାବେଳେ ଭୁଶୁଡି ପଡିଥିବା ଜଣାପଡିଛି । ଫଳରେ ଘଟଣାସ୍ଥଳରେ 2 ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି । ତାଙ୍କୁ ବଲାଙ୍ଗୀର ଚିକିତ୍ସାଳୟରେ ଭର୍ତ୍ତି କରାଯାଇଛି ।
ସୂଚନା ଥାଉକି, ପାଖାପାଖି ସାତ କୋଟି ଟଙ୍କା ବ୍ୟୟରେ ବଲାଙ୍ଗୀର ଗ୍ରାମ୍ୟ ଉନ୍ନୟନ ସଂସ୍ଥା ପକ୍ଷରୁ ବଲାଙ୍ଗୀର ର ରାମ କୁମାର ଅଗ୍ରୱାଲଙ୍କ କମ୍ପାନୀ ଏହି ପୋଲର ଠିକା ନେଇଥିଲେ। ଚାରି ବର୍ଷ ନିର୍ମାଣ ପରେ ନିକଟରେ ଏହି ପୋଲ ଉଦ୍ଘାଟିତ ହୋଇଥିଲା। ଉକ୍ତ ପୋଲଟି ନିମ୍ନମାନର ହୋଇଥିବା ବାରମ୍ବାର ଅଭିଯୋଗ ହୋଇଆସୁଥିଲା । ଏପରିକି ଏନେଇ ‘ଇଟିଭି ଭାରତ’ ଏକ ବିସ୍ତୃତ ଖବର ମଧ୍ୟ ପ୍ରକାଶ ପାଇଥିଲା । ଫଳରେ ମରାମତି ପାଇଁ ବିଭାଗ ନିର୍ଦ୍ଦେଶ ଦେଇଥିଲା । ହେଲେ ମରାମତି ଚାଲିଥିବା ସମୟରେ ଏହି ଅଘଟଣ ଘଟିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ୍, ଇଟିଭି ଭାରତ
